جوبا كەڭسەسىندە اقپارات جانە قوعامدىق دامۋ مينيسترلىگى مەن ازاماتتىق باستامالاردى قولداۋ ورتالىعىنىڭ قولداۋىمەن ىسكە اسىرىلاتىن "ەڭبەكقور جاستار" اقپاراتتىق كامپانياسى جۇمىسىنىڭ قورىتىندى تۇساۋكەسەرى ءوتتى. ءىس-شارا اياسىندا "ەڭبەك نارىعىنىڭ جاڭا بولمىسىنداعى جاستار رەسۋرستىق ورتالىقتارىنىڭ الەۋەتى مەن ءرولى" تۇجىرىمداماسى تانىستىرىلدى.
PHD دوكتورى، زەرتتەۋ توبىنىڭ جەتەكشىسى جانارگۇل قۇلماعامبەتوۆانىڭ ايتۋىنشا، قازاقستاندا جرو اشىلۋى 2014 جىلى باستالدى. ولاردىڭ نەگىزگى مىندەتى جاستار مەن جاستار ۇيىمدارىنا قىزمەت كورسەتۋ بولىپ تابىلادى. بۇگىنگى تاڭدا قازاقستان بويىنشا 208 جاستار رەسۋرستىق ورتالىعى جۇمىس ىستەيدى.
جاستار رەسۋرستىق ورتالىقتارى قىزمەتىنىڭ ماڭىزدى باعىتتارىنىڭ ءبىرى جاستاردىڭ ومىرلىك ماڭىزدى داعدىلارى بويىنشا دامىتۋ، ازىرلەۋ جانە وقىتۋ بولىپ تابىلادى. داعدىلارعا ۇيرەتۋ جاستار كۇندەلىكتى ومىردە كەزدەسەتىن كوپتەگەن ماسەلەلەردى شەشەدى. مىسالى: جۇمىسقا ورنالاستىرۋ، توپتا جۇمىس ىستەۋ، وتباسى ينستيتۋتىنىڭ دەفورماتسياسى.
بۇگىندە جاستار قازاقستاننىڭ ەكونوميكالىق بەلسەندى حالقىنىڭ تورتتەن ءبىر بولىگىن قۇرايدى. بۇل رەتتە سوڭعى بەس جىلدا جاستار اراسىنداعى جۇمىسسىزدىق دەڭگەيى 1,6 پايىزعا تومەندەدى. سونىمەن قاتار، ۇزاق مەرزىمدى جاستار جۇمىسسىزدىعىنىڭ دەڭگەيى 2014 جىلعى 3 پايىزدان 2018 جىلى 2,2 پايىزعا دەيىن بىرتىندەپ تومەندەدى، بۇل ەكونوميكالىق بەلسەندى جاستار سانىندا ءبىر جىل جانە ودان دا كوپ جۇمىس ىستەمەيتىن جۇمىسسىز جاستار سانى ۇلەسىنىڭ تومەندەۋىن وڭ سيپاتتايدى.
سونىمەن قاتار، جانارگۇل قۇلماعامبەتوۆا جەرگىلىكتى جەرلەردە جاستاردىڭ رەسۋرستىق ورتالىقتارى ون ءتورت جاستان جيىرما ءتورت جاسقا دەيىنگى جاستاردى قامتۋى ماڭىزدى ەكەنىن اتاپ ءوتتى.