"Nur Otan" پارتياسىنىڭ ءماجىلىس سايلاۋىنا ارنالعان سايلاۋالدى باعدارلاماسىنا توقتالساق، ساياسي كەڭەس بيۋروسىنىڭ مۇشەسى رەتىندە پرەمەر-مينيستر بۇل جۇمىستى باسقارىپ، باعدارلامانى ازىرلەۋگە قازىردەن باستاپ كىرىسۋى كەرەك", - دەدى نازارباەۆ.

سونداي-اق، نازارباەۆ 2020 جىلى وڭىرلەردى دامىتۋدىڭ بەس جىلدىق باعدارلامالارىن جۇزەگە اسىرۋ اياقتالاتىنىن اتاپ ءوتتى.

"جاڭا باعدارلامالاردى قابىلداۋ قاجەتتىلىگى جاڭا ەلەكتورالدى تسيكلمەن تۇسپا-تۇس كەلىپ وتىر. سوندىقتان جاڭا باعدارلامالار ءار وڭىردەگى ءماسليحات سايلاۋىنىڭ سايلاۋالدى باعدارلاماسىنىڭ نەگىزىنە اينالۋى ءتيىس", - دەدى ەلباسى.

Nur Otan پارتياسىنىڭ توراعاسى ءار ءوڭىر، قالا جانە اۋدان بويىنشا سايلاۋالدى باعدارلامالارىنىڭ دايىندىعىن قامتاماسىز ەتۋدى تاپسىردى.

ەلباسى ساپالى پارتيا ءتىزىمىن جاساقتاۋ ءۇشىن اشىق پارتياىشىلىك ىرىكتەۋدى وتكىزۋدىڭ ماڭىزىن اتاپ ءوتتى.

ء"اربىر ءماسليحاتتىڭ سايلاۋالدى پارتيالىق تىزىمىنە كەمىندە 30 پروتسەنت ايەل جانە 35 جاسقا دەيىنگى 20 پروتسەنت جاستار كىرۋى ءتيىس. سونىمەن قاتار، تىزىمگە حالىقتىڭ ءتۇرلى ساناتىنىڭ وكىلدەرى، وتانىنا ورالعان قانداستارىمىز، مۇمكىندىگى شەكتەۋلى ادامدار، كاسىپكەرلەر مەن باق وكىلدەرى ەنگەن ءجون", - دەدى نازارباەۆ.

سونداي-اق، ەلباسى جەرگىلىكتى جەرلەردە پارتيا ورگاندارىنىڭ جۇمىسىن كۇشەيتۋ، پارتيانىڭ وڭىرلەردە شوعىرلاندىرۋشى ءرولىن ارتتىرۋ قاجەتتىگىن اتاپ ءوتتى.

"اقپاندا پارتيا سەزى وتەدى. وندا ءبىز قايتا جۇكتەۋدىڭ الدىن الا قورىتىندىسىن شىعارىپ، الداعى ەلەكتورالدىق مىندەتتەردى جان-جاقتى تالقىلايمىز. قازىر "Jas Otan" مەملەكەتتىك ورگاندارمەن بىرلەسىپ، 2025 جىلعا دەيىنگى "جاستار-وتانعا" جاڭا باعدارلاماسىن ازىرلەپ جاتىر. وندا قازىرگى جاستاردىڭ بارلىق سۇرانىسىنا جاۋاپتار كورىنىس تابادى. ساۋىردە جاڭا باعدارلامانى "Jas Otan" سەزىنە ەنگىزۋ قاجەت", - دەدى ول.

نازارباەۆ بۇگىن استانادا Nur Otan پارتياسى وڭىرلىك فيليالدارىنىڭ وكىلدەرىمەن كەزدەستى.

Abai.kz