27 قاراشادا نۇر-سۇلتان جانە الماتى قالالارىندا "مۇزدى ولكە 2" قار كۇشىن باسقارا الاتىن ەلزا مەن كەز كەلگەن جۇرەكتى ەلجىرەتەتىن اننا - اپالى-ءسىڭلى حيكاياسىنىڭ انيماتسيالىق ءفيلمىنىڭ جالعاسىنىڭ الدىن الا كورسەتىلىمى وتەدى. بۇل "بولاشاق" كورپوراتيۆتىك قورىنىڭ باستاماسىمەن "وزىڭنەن باستا" جوباسى اياسىندا مەملەكەتتىك تىلدە وتاندىق كينوپروكاتقا شىعاتىن 33-ءشى فيلم بولىپ تابىلادى. فيلم پروكاتقا 28 قاراشادا ەكى تىلدە شىعارىلادى.

كورسەتىلىم "بولاشاق" كورپوراتيۆتىك قورى مەن "مەلومان" كومپانياسىنىڭ باستاماسىمەن "وزىڭنەن باستا" جوباسى اياسىندا وتكىزىلەدى. نۇر-سۇلتان قالاسىنداعى الدىن-الا كورسەتىلىمى «Nur Otan» پارتياسى، ال الماتىدا قالا اكىمدىگىنىڭ قولداۋىمەن وتكىزەدى. فيلم دۋبلياجىنىڭ دەمەۋشىسى: BI Group كومپانياسى.

ءىس-شاراعا "بولاشاق" كورپوراتيۆتىك قورى قامقورشىلىق كەڭەسىنىڭ قۇرمەتتى مۇشەسى، "Nur Otan" پارتياسى توراعاسىنىڭ ءبىرىنشى ورىنباسارى - باۋىرجان بايبەك، BI Group كومپانياسىنىڭ وكىلدەرى، شىعارماشىل زيالى قاۋىم وكىلدەرى، بلوگەرلەر، مەديا-تۇلعالار، "بولاشاق" قاۋىمداستىعىنىڭ مۇشەلەرى جانە باسقالار قاتىسادى.

نۇر-سۇلتان قالاسىندا كورسەتىلىم: دوستىق كوشەسى 9, Keruen سوو، Kinopark 7 IMAX, №5 زالىندا وتكىزىلەدى. الماتى قالاسىندا كورسەتىلىم: ءال-فارابي داڭعىلى، 77/8, "Esentai mall" سوو، Kinopark 11, Esentai IMAX, №6 زالىندا وتكىزىلەدى.

ءىس-شارانىڭ باستالۋ ۋاقىتى: 18:30.

سينوپسيس: اننا، ەلزا، كريستوف، ونىڭ ادال دوسى-بۇعى سۆەنمەن جانە ەشقاشان مۇنايمايتىن اققالا ولاف ەرەندەلل پاتشالىعىنان سولتۇستىككە ساياحاتقا اتتانادى. بۇل ساياحات ولاردى ەجەلگى اڭىزداردىڭ باستاۋىنا الىپ كەلەدى جانە تۋعان ەلىنىڭ وتكەنىنە قاتىستى قۇپيانى اشۋعا كومەكتەسەدى.

قازاق تىلىندەگى ترەيلەر:

سونداي – اق، بارلىق قوناقتاردى ivi ونلاين-كينوتەاترىنان ءبىر ايعا سىيعا جازىلۋ سەرتيفيكاتتارى كۇتەدى.

Abai.kz