مۇحتار شەرىم. بەكبولات تىلەۋحاننىڭ مۇنىسى نەسى؟
«بەكبولات تىلەۋحاننىڭ مۇنىسى نەسى؟ ايتەۋىر اتىن شىعارۋ ءۇشىن بايبالام سالا بەرەدى ەكەن... ەندىگى ايتپاعانى وسى ەدى...» - دەپ وكپەلەۋىڭىز مۇمكىن...
رەنجىمەڭىز، بەكبولات ىنىمە بەكەر وكپەلەيسىز... قازاق جازۋشىلارى، «مەن» دەگەن اقىندارى، عالىمدارى، زيالىلارى ايتا الماي جۇرگەن سالماعى ساماۋىر قايناتاتىن سوزدەردى الدىڭىزعا جايىپ سالسا، ونىڭ نەسى جامان؟
«بەكبولات تىلەۋحاننىڭ مۇنىسى نەسى؟ ەندى ءبىزدى ءسوز ەتكەنى - مايدالانۋى ەمەس پە ەكەن؟» - دەپ كتك (كوڭىلدى تاپقىرلار كلۋبى) جاستارى وكپەلەۋى مۇمكىن...
«بەكبولات تىلەۋحاننىڭ مۇنىسى نەسى؟ ايتەۋىر اتىن شىعارۋ ءۇشىن بايبالام سالا بەرەدى ەكەن... ەندىگى ايتپاعانى وسى ەدى...» - دەپ وكپەلەۋىڭىز مۇمكىن...
رەنجىمەڭىز، بەكبولات ىنىمە بەكەر وكپەلەيسىز... قازاق جازۋشىلارى، «مەن» دەگەن اقىندارى، عالىمدارى، زيالىلارى ايتا الماي جۇرگەن سالماعى ساماۋىر قايناتاتىن سوزدەردى الدىڭىزعا جايىپ سالسا، ونىڭ نەسى جامان؟
«بەكبولات تىلەۋحاننىڭ مۇنىسى نەسى؟ ەندى ءبىزدى ءسوز ەتكەنى - مايدالانۋى ەمەس پە ەكەن؟» - دەپ كتك (كوڭىلدى تاپقىرلار كلۋبى) جاستارى وكپەلەۋى مۇمكىن...
ماسەلە مىنادا: حالىق قالاۋلىسى، وتتى سوزدەرىمەن ەلدى ەلەڭ ەتكىزىپ جۇرگەن، قازاعىم دەسە جانىن دا بەرۋدەن تايىنبايتىن ءبىرتۋار ازامات بەكبولات تىلەۋحان كتك ويىنشىلارىن تاماشلاپ وتىرادى. ساحناعا شىققان جاستار شىمكەنتتى جامانداي باستايدى. ەكىنشىسى دە شىمكەنتتى ءاجۋالايدى. ءۇشىنشىسى دە شىمكەنتتى تۇيرەيدى. ءتورتىنشىسى تىستەيدى، بەسىنشىسى بىلگەنىن ىستەيدى. «و شەشەڭنىڭ،» « شىمكەنتسكيلەر»، «تەحاستار» دەپ ءاجۋالايدى. بۇعان شىداماعان بەكبولات ءسوز كەزەگى كەلگەندە: «سەندەر نەگە شىمكەنتتى جاماندايسىڭدار؟ نە بولدى سەندەرگە؟ اتاڭنىڭ قۇنى قالماقتا، ودان قالسا ورىستا قالىپ ەدى عوي. شىمكەنت، شىمكەنت دەپ نە بولدى؟ شاكارىم: «قازاقتىڭ قاراتاۋدا بولعانى انىق»،- دەگەن. سول قاراتاۋ شىمكەنت جاقتا. «ەلىم-ايداعى» قازاقتىڭ كوشى سول قاراتاۋدا تەربەلگەن. بۇكىل قاستەرلىڭ جەرلەنگەن تۇركىستان شىمكەنتتە. بۇكىل جادىگەرىڭ، قوجا-مولداڭ تابان تىرەگەن جەر - سول شىمكەنت. «مەككە مەن مادينەنى سۇيمەگەننىڭ مۇحاممەدتى ءسۇيدىم» دەگەنى وتىرىك دەمەكشى، ءشاۋىلدىردى قۇرمەتتەمەي، ءشامشىنى ءسۇيدىم دەگەنىڭە سەنبەيمىن. قازاقتى ۇناتپاعان سوزاقتى ۇناتپايدى. سوزاق ۇناماسا، سۇگىر مەن تولەگەندى قادىرلەگەنىڭ وتىرىك. شىمكەنتتى كەلەمەجدەيمىن دەپ بۇكىل قازاقتىڭ تاريحىن كۇستانالاپ جاتقاندارىڭدى بىلەسىڭدەر مە؟ ارينە، قاي قالا بولسىن، جامانى مەن جاقسىسى قاتار جۇرەدى. تۇسىنگەن جانعا اقىماقتىق، ءوزىن-ءوزى ماسقارالاۋ دەگەن وسى» - دەپ سالادى. قانداي عيبراتتى سوزدەر! جەرشىلدىكتىڭ جالاۋىن جەلبىرەتىپ جۇرگەندەردىڭ باسىنا سال-ەپ، سال-ەپ قالاتىنداي اۋىر سوزدەر... بۇدان ارتىق نە كەرەك بۇل قازاققا؟ نەگە وكپەلەيسىڭ، بەكبولاتقا، ەي، قازاق؟
«اباي-اقپارات»
