اۋىل شارۋاشىلىعى قىزمەتكەرلەرى كۇنىنە ارنالعان سالتاناتتى جيىندا سۋارمالى ەگىنشىلىك پەن اۋىل شارۋاشىلىعى سالاسىن دامىتقانى ءۇشىن 20-50 ملن. كولەمىندەگى سەرتيفيكاتتار بەرىلدى.  ەستاي اتىنداعى مادەنيەت سارايىندا ءوڭىردىڭ شارۋا قوجالىقتارىنىڭ  وكىلدەرى باس قوستى. 

پاۆلودارلىق اگراريلەر وبلىستا وندىرىلەتىن ونىمدەردىڭ كورمەسىن ۇيىمداستىردى. كورمەدە قوناقتار شارباقتى اۋدانىنىڭ نان-توقاش بۇيىمدارىن، باياناۋىل اۋدانىنىڭ ەت ونىمدەرىن، پاۆلودار اۋدانىنىڭ كوكونىستەرىن تاتىپ كوردى.  

- ءبىزدىڭ اگراريلەردىڭ تاباندى ەڭبەكتەرىنىڭ ارقاسىندا 800 مىڭ توننا ءداندى داقىلدار، 700 مىڭ توننادان استام كارتوپ پەن كوكونىستەر جينالدى، - دەدى پاۆلودار وبلىسىنىڭ اكىمى ءوزىنىڭ قۇتتىقتاۋ سوزىندە. – پاۆلودار وبلىسىنىڭ شارۋالارى قازاقستاندا وندىرىلەتىن قاراقۇمىقتىڭ 75%-ىن، تارىنىڭ 50%-ىن، كارتوپتىڭ 18%-ىن وندىرەدى. ءبىز وسىمدىك شارۋاشىلىعى ءوندىرىسىن دامىتۋدى ارى قاراي دا جالعاستىرامىز، سۋارمالى ەگىنشىلىكتى دامىتۋعا باسىمدىق بەرىلەدى. 

قازىرگى تاڭدا پاۆلودار وبلىسىندا 100 مىڭ گەكتار جەردە سۋارمالى ەگىنشىلىكپەن اينالىسادى، 30 مىڭ گەكتار جەر وسى جىلى اينالىمعا ەنگىزىلدى. ايماق باسشىسى سۋارمالى ەگىنشىلىكتى دامىتۋعا زور ۇلەس قوسقان اۋدانداردى اتاپ ءوتتى. پاۆلودار اۋدانى وسى سالا بويىنشا جەڭىمپاز اتانىپ، 50 ميلليون تەڭگە كولەمىندەگى سەرتيفيكاتقا يە بولدى. اقسۋ قالاسى مەن تەرەڭكول اۋدانى 30 جانە 20 ملن تەڭگەلىك سەرتيفيكاتتاردى جەڭىپ الدى.  

- ءبىزدىڭ شارۋالاردىڭ ەڭبەگى وبلىس كولەمىندە اتالىپ وتكەنى قۋانتادى، - دەدى پاۆلودار اۋدانىنىڭ اكىمى جانات شۇعاەۆ. ء–وزىمىزدىڭ سىياقىمىزدى الەۋمەتتىك سالانىڭ دامۋىنا جۇمسايتىن بولامىز. مەكتەپتەرگە بولىنەتىن قارجى بولاشاق اۋىل شارۋاشىلىعى كادرلارىن دايىنداۋعا اسەر ەتەدى. مەكتەپتەردىڭ قامقورشىلىق كەڭەستەرى مەن اقساقالدارمەن تالقىلايتىن  ءبىرتالاي يدەيالار بار.  

اۋىل شارۋاشىلىعى قىزمەتكەرلەرىنىڭ كاسىبي مەرەكەسىنىڭ قۇرمەتىنە مەرەكەلىك كونتسەرت ءوتتى. اگروونەركاسىپتىك كەشەن سالاسىنىڭ ۇزدىك قىزمەتكەرلەرىنە پاۆلودار وبلىسى اكىمىنىڭ العىس حاتتارى مەن قۇرمەت گراموتالارى بەرىلدى.  

پاۆلودار وبلىسى اكىمىنىڭ ءباسپاسوز قىزمەتى 

Abai.kz