جامبىل وبلىسى پوليتسيا دەپارتامەنتىندە پوليتسيا كاپيتانى، حالىق قاھارمانى عازيز بايتاسوۆتى قازا بولعالى 8-ءشى جىل سالتاناتتى تۇردە ەسكە الۋ شەرۋى ءوتتى.

ەسكە الۋ ءىس-شاراسىنا وبلىستىق پوليتسيا دەپارتامەنتى باسشىلىعى جانە جەكە قۇرامى، تاراز قالاسىنىڭ اكىمى قايرات دوساەۆ، ىشكى ىستەر ورگاندارى ارداگەرلەرى مەن باتىردىڭ تۋعان-تۋىستارى جانە تولە بي اتىنداعى №8 مەكتەپ-گيمنازياسىنىڭ كادەتتىك سىنىپ وقۋشىلارى قاتىستى.

سالتاناتتى گۇل قويۋ راسىمىنەن كەيىن ءسوز العان جامبىل وبلىسى پوليتسيا دەپارتامەنتىنىڭ باستىعى، پوليتسيا پولكوۆنيگى ارمان ورازاليەۆ:

- ەل بەيبىتشىلىگى مەن قاۋىپسىزدىگى جولىندا قازا بولعان ءاربىر پوليتسيا قىزمەتكەرى قازاقستان رەسپۋبليكاسى ىشكى ىستەر ورگاندارى تاريحىندا ەرەكشە قۇرمەتپەن ساقتاۋلى. ولاردىڭ ىشىندە  تەرروريستى قۇرىقتاۋ كەزىندە ءوز كەۋدەسىن وققا توسىپ، كوزسىز ەرلىك كورسەتكەن  پوليتسيا كاپيتانى عازيز بايتاسوۆ ەسىمى ايرىقشا ورىن الادى.

بۇگىنگى كۇنى ءىىم-ءنىڭ بارلىق قۇرىلىمدىق بولىمدەرىندە ع.بايتاسوۆ ەرلىگىنە ارنالعان بۇرىش قويىلعان. ونىڭ جانقيارلىعى كەيىنگى ۇرپاققا، ىشكى ىستەر ورگاندارىنا جاڭا اياق باسقان ءاربىر قىزمەتكەرگە، ارىپتەستەرىنە ماڭگىلىك ۇلگى-ونەگە بولىپ قالا بەرمەك.

سونداي-اق، اعىمداعى جىلدىڭ ءساۋىر ايىندا تاراز قالاسىنداعى باتىردىڭ ەسىمى بەرىلگەن كوشەدە مەموريالدىق تاقتا ورناتىلدى. جامبىل وبلىسى پوليتسيا دەپارتامەنتىنىڭ باستاماسىمەن جانە ع.بايتاسوۆ ءبىلىم العان ءال-فارابي اتىنداعى قازۇۋ باسشىلىعىنىڭ قولداۋىمەن زاڭ فاكۋلتەتىنىڭ اۋديتورياسىنا ەسىمى بەرىلدى. بۇگىندە اتالعان جوعارى وقۋ ورنىندا باتىردىڭ ۇلى ارمانجان ءبىلىم الۋدا. – دەپ اتاپ ءوتتى.

حالىق قاھارمانى عازيز بايتاسوۆتىڭ  جارى  گۇلجامال تاجيەۆا جينالعاندارعا بەيبىتشىلىك پەن تىنىشتىق، ال پوليتسيا قىزمەتكەرلەرىنە – قىزمەتتەرىندە ابىرويلى بولىپ ،امان  بولۋعا تىلەكتەستىگىن ءبىلدىردى.

شارا بارىسىندا ءسوز العان وبلىستىق ىشكى ىستەر ورگاندارى ارداگەرلەر  كەڭەسىنىڭ جانە ۇلتتىق ۇلان توراعاسى، وتستاۆكاداعى پولكوۆنيك تۇردالى شەرالين ءوز سوزىندە الداعى كۇندەرى قر ءىىم-ءنىڭ عيماراتى الدىندا داڭق اللەياسى اشىلاتىنىن جانە سول جەردە ۇلى وتان سوعىسى باتىرلارىمەن قاتار حالىق قاھارمانى عازيز بايتاسوۆتىڭ ءبيۋستى دە قويىلاتىنىن باياندادى.

ءىس-شارا سوڭىندا پوليتسيا اكادەمياسىنىڭ  جاس مۇشەلەرى سالتاناتتى تۇردە انت قابىلداپ، دەپارتامەنت  باستىعىنىڭ قولىنان كۋالىكتەرىن الۋى دا ەرەكشە ماڭىزدى بولدى. ولار دا الداعى ۋاقىتتا ەرجۇرەك پوليتسەيلەردىڭ لايىقتى ءىزباسارلارى بولىپ،  بارلىق جامبىلدىق پوليتسەيلەردىڭ داڭقتى داستۇرلەرىن جالعاستىراتىن بولادى دەپ سەنىممەن ايتۋعا بولادى.

Abai.kz