كەشە «Nur Otan» پارتياسى قىزىلوردا وبلىستىق فيليالىنىڭ توراعاسى، وبلىس اكىمى ق.د. ىسقاقوۆتىڭ توراعالىعىمەن ساياسي كەڭەس بيۋروسىنىڭ كەڭەيتىلگەن وتىرىسى ءوتتى. وندا  كامەلەتكە تولماعاندارعا قارسى جاسالعان قىلمىستار جانە ونىڭ الدىن الۋ بويىنشا اتقارىلعان  جۇمىستار مەن جاستار اراسىنداعى جۇمىسسىزدىق، ورتا ارناۋلى وقۋ ورىندارىندا ءبىلىم الۋ ماسەلەلەرى تۋرالىدا دا ايتىلدى. 

2018 جىلدىڭ 21 قىركۇيەگىندە قر ۇكىمەتىمەن 18 بەن 29 جاس ارالىعىنداعى NEET ساناتىنداعى جاستار مەن 2018 جىلعى تۇلەكتەردى قوعامعا الەۋمەتتەندىرۋ جانە جۇمىسپەن قامتۋ تۋرالى جول كارتاسىن بەكىتۋ قاۋلىسى قابىلداندى. وسىعان وراي، قىزىلوردا وبلىسى بويىنشا NEET ساناتىنداعى جاستارمەن جۇمىس جۇرگىزۋدىڭ جول كارتاسى بەكىتىلدى. بەكىتىلگەن جول كارتانىڭ ورىندالۋى بويىنشا وبلىستىق جاستار ماسەلەسى باسقارماسىنىڭ باسشىسى ق.جانۇزاقوۆ باياندادى.

ايماق باسشىسى NEET ساناتىنداعى جاستارمەن جۇرگىزىلىپ وتىرعان شارالارعا كوڭىلى تولمايتىندىعىن جەتكىزدى. بۇل باعىتتاعى جۇمىستار  تىكەلەي ءوزىنىن باقىلاۋدا بولاتىنىن ايتىپ، ناقتى تاپسىرمالار جۇكتەدى.

 "ديپلومى بار NEET ساناتىنداعى جاستاردىڭ كوپشىلىگى باسەكەگە قابىلەتسىز جەرگىلىكتى كوللەدجدەر مەن جوعارعى وقۋ ورىندارىنىڭ تۇلەكتەرى. ءبىلىم ساپاسى دا باقىلاۋدا بولۋى كەرەك. ساندىق كورسەتكىشتەرمەن قاتار ناقتى جۇمىستار جاسالۋى ءتيىس. ءتيىستى باسقارما باسشىلارى، قالا مەن اۋدان اكىمدەرى بارشاڭىز  NEET ساناتىنداعى جاستارمەن جۇمىس ىستەۋگە ارنالعان نورماتيۆتىك اكتىلەردى مۇقيات زەرتتەڭىزدەر. بارلىق اۋدانداردا جاستار رەسۋرستىق ورتالىقتارى بار. جاستار ماسەلەلەرىنە 600 ملن. تەڭگەدەن استام قارجى بولىنگەن. مەملەكەت تاراپىنان قولداۋ جەتكىلىكتى، الايدا ناتيجە جوق ",- دەدى وبلىس اكىمى قۋانىشبەك ىسقاقوۆ.

سونىمەن قاتار، كەڭەيتىلگەن وتىرىستا وبلىس اكىمى ءتيىستى مەكەمەلەردىڭ اقپاراتىن مىسالعا الا وتىرىپ، جاستارمەن جۇمىس ىستەۋدە ۆەدومستۆوارالىق بايلانىستاردى ۇيلەستىرۋدى مىندەتتەدى.

Abai.kz