سولتۇستىك كورەيانىڭ استاناسى پحەنياندا اۋىر اتلەتيكادان جاسوسپىرىمدەر مەن جاستار اراسىندا ازيا چەمپيوناتى ءوز مارەسىنە جەتتى. ايتۋلى دودادا سىربويىلىق سپورتشىلارى ەل نامىسىن ابىرويمەن قورعادى، - دەپ حابارلايدى اباي-اقپارات.

96 كەلى سالماق دəرەجەسىندە قىزىلوردالىق راحات بەكبولات التىننان القا تاعىندى. ول قوسسايىس نəتيجەسىندە 352 كەلىنى (156+196) باعىندىردى. سەرپە كوتەرۋ بويىنشا 196 كەلىنى ەڭسەرىپ، الەم رەكوردىن جاڭارتتى. سونداي-اق، جاستار اراسىندا كۇمىس جۇلدەگە قول جەتكىزدى. سىربويىلىق ورەن وبلىستىق وليمپيادالىق رەزەرۆ دايارلاۋ ورتالىعىندا ءتəلىم الادى. جاتتىقتىرۋشىسى – نۇرجان سماحانوۆ.

سونداي-اق، 81 كەلى سالماقتا تاعى ءبىر قىزىلوردالىق سپورتشى ەسەنكەلدى سəپي كۇمىس جۇلدەنى ەنشىلەدى. ول جۇلقا كوتەرۋدە – 125, سەرپە كوتەرۋدە 165 كەلىنى باعىندىردى. قوسسايىس قورىتىندىسى بويىنشا 290 كەلىنى كوتەردى. ج.ءباھادۇر اتىنداعى وليمپيادالىق رەزەرۆتىڭ وبلىستىق مامانداندىرىلعان مەكتەپ-ينتەرنات-كوللەدج وقۋشىسى ەسەنكەلدى ءسəپيدى جارىسقا ارمان ابدراەۆ دايىندادى.

ال، قىزدار اراسىندا ايسامال سانسىزباەۆا جاسوسپىرىمدەر اراسىندا 81 كەلىدەن جوعارى سالماقتا جəنە جاستار اراسىندا 87 كەلىدەن جوعارى سالماقتا ونەر كورسەتىپ، ەكى مəرتە كۇمىس جۇلدەگەر اتاندى. سىربويىلىق سپورتشى قىز ج.ءباھادۇر اتىنداعى وليمپيادالىق رەزەرۆتىڭ وبلىستىق مامانداندىرىلعان مەكتەپ-ينتەرنات-كوللەدجىندە جاتتىعادى. ونى جارىسقا نۇرسۇلتان باحرادين مەن ارمان ابدراەۆ دايىندادى.

ايتا كەتەيىك، بيىلعى جىلدىڭ ناۋرىز ايىندا لاس-ۆەگاستا جاسوسپىرىمدەر اراسىنداعى Əلەم چەمپيوناتىندا راحات بەكبولات پەن ەسەنكەلدى سəپي التىن مەدالداردى يەلەنگەن بولاتىن.

Abai.kz