سەيسەنبى, 22 قازان 2019
362 0 پىكىر 10 قازان, 2019 ساعات 14:21

قىزىلوردا وبلىسى اكىمى شەتەلدىك دەلەگاتسيا وكىلدەرىمەن كەزدەستى

وبلىس اكىمى قر دەنساۋلىق ساقتاۋ مينيسترلىگىنىڭ «كازلەپروزوري» مەملەكەتتىك مەكەمەسىنىڭ 90 جىلدىق مەرەيتويىنا وراي كەلگەن شەتەلدىك قوناقتارمەن كەزدەستى.

1953 جىلى قازاق رەسپۋبليكالىق لەپروزوريىندە ەپيدەميولوگيالىق ءبولىم اشىلعان. قازاق لەپروزورياسىنىڭ دارىگەرلەرى لەپرانى ەمدەۋگە سۋلفوندىق پرەپاراتتاردى العاش رەت تابىستى قولدانعانداردىڭ ءبىرى. وعان قوسا جاڭا پرەپاراتتاردى (سيب-انىڭ مايلى سۋسپەنزياسى، پيروگەنال، لامپرەن، اتسەدياسۋلفون، ريفامپيتسين جانە باسقالارى) كومبيناتسيالىق تەراپيالاۋدى پراكتيكاعا ەنگىزە الدى.

وسى ءساتتى پايدالانا وتىرىپ، بۇل دەرتپەن كۇرەسۋدە ىجداقاتتىلىق تانىتىپ، قوسىمشا ءبىلىمىن جەتىلدىرىپ  ناۋقاستارعا كومەك كورسەتىپ جۇرگەن دارىگەرلەرگە العىسىمدى بىلدىرەمىن. سونداي-اق، بۇگىنگى شاراعا ارنايى گەرمانيادان كەلگەن، گەرمانيانىڭ تۋبەركۋلەزگە قارسى كۇرەس قاۋىمداستىعىنىڭ مۇشەسى درابيك رومانا حانىمعا دا ريزاشىلىعىمدى بىلدىرەمىن،- دەدى ايماق باسشىسى.

درابيك رومانا حانىم دينسلاكەن قالاسىنان بۇكىل الەمدىك الاپەس پەن تۋبەركۋلەزبەن كۇرەسۋ قاۋىمداستىعىن اشقان. 40 جىلدان استام ۋاقىت بويى بۇل قوعامداستىق الەمنىڭ كوپتەگەن ەلدەرىمەن بەلسەندى تۇردە بىرلەسىپ جۇمىس ىستەپ كەلەدى  جانە ناۋقاستارعا ۇلكەن ماتەريالدىق كومەك كورسەتۋدى دە جولعا قويعان. 1995 جىلدان باستاپ، قوعامداستىق قازاقستان رەسپۋبليكاسىمەن دە بىرلەسكەن پروفيلاكتيكالىق جۇمىستارىن باستاعان.  ايتا كەتەيىك درابيك رومانا حانىم  الاپەس دەرتىنە ارنالعان حالىقارالىق كونفەرەنتسيالاردى، كونگرەستەردى دە ءىرى كولەمدە  قارجىلاندىرۋعا دەمەۋشىلىك ءاتىپ كەلەدى.

وسى دەرتكە شالدىققان ناۋقاستارعا دەمەۋ بولىپ، ناۋقاستارعا كومەگىن ۇسىنىپ جۇرگەن درابيك رومانا حانىمعا ايماق باسشىسى قۋانىشبەك ىسقاقوۆ العىس حات تابىستادى.

Abai.kz

0 پىكىر