جەكسەنبى, 29 ناۋرىز 2020
1563 0 پىكىر 5 قىركۇيەك, 2019 ساعات 13:08

گونكونگ بيلىگى داۋلى زاڭ جوباسىن قايتارىپ الدى

گونكونگ ليدەرى كەرري لام قىلمىسقا تارتىلعان ازاماتتاردى قىتايعا ەكستراديتسيالاۋعا رۇقسات بەرەتىن زاڭ جوباسىن پارلامەنتتەن قايتارىپ العانىن مالىمدەدى. ول بۇل قۇجات "ولگەنىن" جانە زاڭعا وزگەرىستەر ەنگىزۋ تالاپتارى ىسكە اسپاي قالعانىن مالىمدەگەن.

گونكونگدا "ەكستراديتسيا تۋرالى" زاڭ جوباسىنا قارسى اكتسيالار شىلدە ايىنان بەرى جالعاسىپ كەلەدى.

پوليتسيا دەمونسترانتتاردى سۋ جانە كوزدەن جاس اعىزاتىن گازبەن تاراتۋعا ارەكەت ەتكەن. ەندى اكتسياعا قاتىسۋشىلاردى جانە جۋرناليستەرگە شابۋىل جاساۋ ءۇشىن جەرگىلىكتى كريمينالدىق توپتاردى تارتقانى بەلگىلى بولدى. بۇل كورىنىستەر تۇسىرىلگەن ۆيدەو تەلەكانالداردان كورسەتىلىپ، الەۋمەتتىك جەلىلەردە كەڭىنەن تارادى.

تامىزدىڭ اياعىندا گونكونگ تۇرعىندارى بىرنەشە كۇن اۋەجاي عيماراتىندا نارازىلىق اكتسيالارىن وتكىزگەن.

5 ماۋسىمدا گونكونگ بيلىگى زاڭ جوباسىن قابىلداۋدى رەسمي توقتاتقان. لام بارىنەن بۇرىن قوعام تۇراقتىلىعىن قالپىنا كەلتىرۋ كەرەك دەپ مالىمدەگەن. بىراق بۇل زاڭ جوباسىن قابىلداۋدان ءالى باس تارتپاعانىن بىلدىرگەن.

اۆتونوميانىڭ تۇرعىندارى بيلىكتەن قىلمىسقا كۇدىكتى ازاماتتاردى باسقا ەلگە وتكەرىپ بەرۋگە جول اشاتىن زاڭ جوباسىنان باس تارتۋدى تالاپ ەتىپ جاتىر. قازىر گونكونگتا ەكستراديتسيالاۋ تۋرالى 20 ەلمەن كەلىسىم بار. ەگەر داۋلى زاڭ جوباسى قابىلدانسا، بيلىك تۇرعىندارىن قىتايعا، تايۆانعا جانە ماكاوعا وتكەرىپ بەرە الادى.

زاڭ جوباسىنا سايكەس، ەكستراديتسيا تۋرالى ءوتىنىشتى قاراۋ قۇقىعى سوت پەن اۆتونوميا جەتەكشىسىنە بەرىلىپ، گونكونگتىڭ زاڭ شىعارۋ ورگانى ازاماتتاردى ەكستراديتسيالاۋ پروتسەسىن قاداعالاي الماي قالادى.

Abai.kz

0 پىكىر