قىرعىزستان سىرتقى ىستەر ءمينيسترى چينگيز ايداربەكوۆ پەن قازاقستاننىڭ قىرعىزستانداعى ەلشىسى قىزمەتىن اياقتاپ جاتقان كارىم كوكىرەكباەۆ پرەزيدەنت ساپارىنا دايىندىق ماسەلەلەرىن تالقىلادى.
بۇنىڭ الدىندا كوكىرەكباەۆ قىرعىزستان پرەزيدەنتى سوورونباي جەەنبەكوۆپەن كەزدەستى. قىرعىز باسشىسى ونىڭ جەمىستى جۇمىسىنا العىس ايتتى. جەەنبەكوۆ كوكىرەكباەۆتىڭ ەكى ەلدىڭ "ستراتەگيالىق ارىپتەستىگىن، وداعىن، باۋىرلاس قارىم-قاتىناسىن" نىعايتۋعا قوسقان ۇلەسىن اتاپ ءوتتى.
كوكىرەكباەۆ كارىم ناسبەكۇلى قازاقستاننىڭ قىرعىزستانداعى ەلشىسى قىزمەتىنە 2018 جىلى اقپاندا كىرىستى. وعان دەيىن قازاقستاننىڭ قىرعىزستانداعى ديپلوماتيالىق قىزمەتىن ءۇش جىل ايىمدوس بوزجىگىتوۆ باسقارعان.
بىشكەك پەن نۇر-سۇلتان كوكىرەكباەۆتىڭ ديپلوماتيالى ميسسياسىنىڭ اياقتالۋ سەبەبىن رەسمي تۇردە حابارلاعان جوق.
Abai.kz
