2019 جىلعى 3-4 تامىزدا الماتىلىق سايران كولىندە «TEMIRADAM» كۋبوگىنىڭ VIII كەزەڭىنىڭ ستارتتارى بولىپ ءوتتى. قازاقستان ترياتلون فەدەراتسياسى ۇيىمداستىرعان بۇل جارىستار قازاقستاننىڭ بارلىق وڭىرلەرىندە كەزەڭ-كەزەڭمەن وتكىزىلەدى، مارەلىك بولىگى كاسپي جاعاسىندا اقتاۋدا كۇز مەزگىلىندە بولىپ وتەدى. كۋبوك ويىندارىنا IRONMAN الەمدىك چەمپيوناتتاعىداي، 18 جاستان 60+ جاسقا دەيىنگى اۋەسقوي ترياتلەتتەر عانا قاتىسادى.

الماتىعا گرۋزيادان، قازاقستاننان، قىرعىزستاننان، رەسەيدەن، ۋكراينادان، وزبەكستاننان، وڭتۇستىك كورەيادان 182 جەكە سپورتشى جانە 10 كوماندا ء(ۇش ادامنان) كەلدى. سپورتشىلار «وليمپيادالىق ديستانتسيادا» جارىستى (1500 م ءجۇزۋ + 40 كم ۆەلو + 10 كم جۇگىرۋ).

قازاقستاننىڭ وڭتۇستىگىندە نايزاعاي الدىندا ءجيى بولاتىنداي، سايران كولى ترياتلەتتەردى ىستىق جانە قاپىرىق اۋا رايىمەن قارسى الدى. دەسە دە، جارىس جوعارى جىلدامدىقتارمەن ءوتتى. ەرلەر اراسىندا بارلىق كەزەڭدەردە ەڭ تاجىريبەلى ترياتلەت پەن جاتتىقتىرۋشى، كوپ مارتە Ironman پاۆەل ارتيۋشەنكو (الماتى) تۇراقتى كوشباسشى بولدى. ونىڭ ارتىنان اتاقتى سپورتشىلار ماكسيم مازۋر، ماكسيم مجەلسكي (ەكەۋى دە وڭتۇستىك استانادان) جانە ماسكەۋلىك ارسەني ەليسەەۆ ءتىپتى قالماي كەلدى. الايدا، ارتيۋشەنكو جىلدامدىعىن بۇدان دا ارتتىرىپ، ناتيجەسىندە جالعىز كوشباسشى اتاندى – ول 2 ساعات 09 مينۋت جانە 55 سەكۋند ىشىندە جارىستى ءبىرىنشى اياقتادى. ءوزىنىڭ جاس مولشەرى ساناتىندا جەڭىستەن باسقا، پاۆەل ءابسوليۋتتى جەكە ەسەپتە دە جەڭىمپاز اتادى.

ايەلدەر ستارتىنداعى جەڭىستە تاعى دا تاجىريبە ۇستەم بولدى. اتاقتى الماتىلىق ترياتلەت ەكاتەرينا شاتنايا جارىستى ءبىرىنشى بولىپ ءوتتى. 2004 وليمپيادالىق ويىنداردىڭ قاتىسۋشىسىنا، «الماز حانىمعا» (گاۆايادا IRONMAN الەم چەمپيوناتىنان وتكەن ايەلدەردى وسىلايشا اتايدى) ءوزىنىڭ بارلىق قارسىلاستارىن باسىپ وزۋ وڭاي بولدى. ەكاتەرينانىڭ ناتيجەسىن كوپتەگەن ەرلەردىڭ جەتىستىكتەرىمەن سالىستىرۋعا بولدى: 2 ساعات 27 مينۋت 08 سەكۋند.

ەستافەتالىق كوماندالار اراسىندا 2 ساعات 08 مينۋت 02 سەكۋند ناتيجەسىمەن AlmatyBroTeam (الماتى) ەڭ ۇزدىك بولىپ اتاندى.

قالعان جاس مولشەرى ساناتتارىندا جەڭىسكە مىنالار جەتتى: 

ەرلەر

M18-24 دياس كۋنتۋاروۆ (نۇر-سۇلتان): 02:34:35; M25-29 ماكسيم مجەلسكي (الماتى): 02:17:45; M30-34 ارسەني ەليسەەۆ (ماسكەۋ، رەسەي): 02:09:55; M35-39 ميحايل كۋۆشيننيكوۆ (الماتى): 02:15:50; M45-49 ۆلاديسلاۆ كوپبوسۋنوۆ (الماتى): 02:31:45; M50-54 تالگات جۋماگاليەۆ (الماتى): 02:38:41; M55-59 داندىباي اليمباەۆ (شىمكەنت): 02:57:51.

ايەلدەر

F25-29 الەنا ۋۆاروۆا (كوركينو، رەسەي): 02:47:05; F30-34 اناستاسيا چيورنايا (زاپوروجە، ۋكراينا): 02:40:12; F35-39 دينا شايمەردەنوۆا (الماتى): 02:37:43; F45-49 Kim Kyungsook (وڭتۇستىك كورەيا): 03:01:58; F55-59 اليا ايتكازينا (الماتى): 03:36:20.

جارىستاردىڭ بارلىق ناتيجەلەرىمەن ءسىز www.triathlon.org.kz سايتىندا تانىسا الاسىز.

Abai.kz