سەيسەنبى, 10 جەلتوقسان 2019
1136 2 پىكىر 29 ناۋرىز, 2019 ساعات 15:29

اقش رەسەيدى قاماۋعا الىنعان قىرىم تاتارلارىن بوساتۋعا شاقىردى

اقش مەملەكەتتىك دەپارتامەنتى ماسكەۋ بيلىگىنىڭ رەسەيدە تىيىم سالىنعان حيزب ۋت-تاحرير ۇيىمىنىڭ قىزمەتىنە قاتىستى دەگەن كۇدىكپەن اننەكسيالانعان قىرىمنىڭ 23 تۇرعىنىن قاماۋعا العانىن سىنادى.

ۆاشينگتون رەسەيدى قاماۋعا الىنعان قىرىم تاتارلارى مەن "جازىقسىز سوتتالعان باسقا دا ۋكرايندىقتاردى" بوساتۋعا شاقىردى. بۇل تۋرالى اقش مەملەكەتتىك دەپارتامەنتى باسشىنىڭ ورىنباسارى روبەرت پاللادينو ايتتى.

كەشە، 28 ناۋرىزدا، رەسەيدىڭ قول استىنداعى سيمفەروپولدەگى كيەۆ اۋداندىق سوتى قىرىم تاتارلارىنىڭ 23 بەلسەندىسىن 2003 جىلى رەسەيدە تىيىم سالىنعان حيزب ۋت-تاحرير يسلامشىل پارتياسى قىزمەتىنە قاتىسى بار دەگەن كۇدىكپەن 15 مامىرعا دەيىن قاماۋعا العان.

27 ناۋرىزدا قىرىمدا رەسەي فەدەرالدىق قاۋىپسىزدىك قىزمەتى (فسب), ىشكى ىستەر مينيسترلىگى مەن روسگۆارديا قىزمەتكەرلەرى رەسەيدە جانە تاعى بىرقاتار ەلدە تىيىم سالىنعان "حيزب ۋت-تاحرير" ءدىني ۇيىمىنىڭ قىزمەتىنە قاتىسقان دەگەن كۇدىكپەن بىرنەشە تۇرعىننىڭ ءۇيىن تىنتىگەن.

Abai.kz

2 پىكىر