بۇگىن ەرتەڭگى ساعات 10-04 مينۋت كەتكەندە "قۇداي قۇلاتقان لەنيندى بالاح قايتا تۇرعىزدى!" اتتى ماقالا جاريالاعان ەدىك. وندا تالدىقورعان قالاسىنداعى المالى كوشەسىنىڭ 2-ۇيىندە ورنالاسقان "تالدىكورگانسكي ماسلوەكستراكتسيوننىي زاۆود" جشس عيماراتىنىڭ ۇستىندە لەنيننىڭ بەينەسى "مەنمۇندالاپ" تۇرعانى ءسوز بولعان. 

ءبىز اتالمىش ماقالادا المالى كوشەسىندەگى بۇل زاۋىتتىڭ توبەسىنە قويىلعان لەنيننىڭ بەينەسىنە جەرگىلىكتى حالىق بىرنەشە مارتە نارازىلىق بىلدىرگەنىن، بىراق، زاۋىت باستىعى باللاح الەكساندر ياكوۆلەۆيچ جۇرتتىڭ ءسوزىن قۇلاققا دا ىلمەگەنىن اششىنا جازدىق.

وتكەن جىلى قۇدايدىڭ قۇدىرەتىمەن جەل كوتەرىلىپ، لەنيننىڭ بەينەسى قۇلاپ تۇسكەن. جۇرتتىڭ بالاحتان سۇراعانىن ءتاڭىر بەرىپ، "كەشەگى بوداندىق داۋىردەن قالعان سۇيەل-بەينەدەن قۇتىلدىق قوي" دەگەنشە، زاۋىت باسشىلىعى سۋ جاڭا ەسكەرتكىشتى قايتا تۇرعىزىپ ۇلگەرگەن.

مىنە، لەنين بەينەسىنىڭ الىنعاننان سوڭعى سۋرەتى

Abai.kz سايتىنىڭ سىنىنان تالدىقورعان قالالىق اكىمدىگى دەرەۋ ناتيجە شىعاردى. ماقالا جاريا بولا سالىپ، ارادا ەكى ساعات وتپەي لەنيننىڭ بەينەسى الىنىپ تاستالدى.

ءبىز جەدەل قيمىلداپ، بالاحتى جونگە سالعان تالدىقورعان قالالىق اكىمدىگىنە ءوز تاراپىمىزدان العىس ايتامىز.

ءشارىپ قايسار

Abai.kz