بۇگىن الماتىدا قازاقستان جازۋشىلار وداعى باسقارماسىنىڭ كەزەكتى VI پلەنۋمى ءوتىپ، جيىندا ەكى نەگىزگى ماسەلە تالقىلاندى. ءبىرىنشى ماسەلە – جازۋشىلار وداعىنىڭ وسى ۋاقىتقا دەيىن اتقارعان جۇمىستارى قورىتىندىلانىپ، ارنايى بايانداما جاسالدى. ەكىنشى – قازاقستان جازۋشىلار وداعىنىڭ الداعى حV قۇرىلتايىنا دايىندىق مəسەلەسى ءسوز بولدى.

رەسمي باياندامالاردان كەيىن، قازاقستان جازۋشىلار وداعى باسقارماسىنىڭ توراعاسى نۇرلان ورازالين 1996 جىلدان بەرى جاۋاپتى قىزمەت اتقارىپ كەلە جاتقانىن ايتا كەلىپ، 22 جىلدىق جۇمىسىن قورىتىندىلاپ، الداعى قۇرىلتايدا سايلاۋعا تۇسپەيتىنىن مالىمدەدى.

ودان كەيىن قازاقستان جازۋشىلار وداعىنىڭ باسقارما توراعاسىنىڭ ورىنباسارى، اقىن مارالتاي رايىمبەكۇلى اكادەميك سەرىك قيراباەۆتىڭ پلەنۋمعا قاتىسۋشىلارعا ارناعان حاتىن وقىپ بەردى.

جارىسسوزگە شىققان قازاقتىڭ ايتۋلى قالامگەرلەرى ءسابيت دوسانوۆ، قابدەش ءجۇمادىلوۆ، مارال  ىسقاقباي، تولەن ابدىك، دۋلات يسابەكوۆ ءوز ويىن ورتاعا سالىپ، وزەكتى ماسەلەلەردى تالقىعا سالدى.

قر مادەنيەت جانە سپورت مينيسترلىگىنىڭ جاۋاپتى حاتشىسى قۋاتجان ۋاليەۆ جازۋشى قاۋىمعا كورسەتىلىپ جاتقان قامقورلىقتار جونىندە، مەملەكەت تاراپىنان جاسالىپ جاتقان جۇمىستار تۋراسىندا رەسمي بايانداما جاسادى.

سونداي-اق تەمىرحان مەدەتبەك، بەكسۇلتان نۇرجەكەۇلى، يران-عايىپ، سۇماعۇل ەلۋباي، مارات ءبايدىلداۇلى، رافاەل نيازبەك، سەيفوللا وسپانوۆ، زەينوللا تىلەۋجانوۆ سەكىلدى بىرقاتار كورنەكتى قالامگەرلەر مىنبەرگە كوتەرىلىپ، وي-پىكىرلەرىن ايتتى.

پلەنۋم ءۇزىلىسسىز بىرنەشە ساعاتقا سوزىلىپ، تالقىلانعان ماسەلەلەر بويىنشا شەشىم قابىلداندى. سوعان سايكەس جازۋشىلاردىڭ كەزەكتى حV قۇرىلتايى الداعى 12 ناۋرىزدا وتەتىن بولىپ بەلگىلەندى.

Abai.kz