جۇما, 13 جەلتوقسان 2019
تۋعان جەرگە تۋىڭ تىك! 3734 11 پىكىر 31 تامىز, 2017 ساعات 10:38

اتىراۋ وبلىسىندا "تۋعان جەر" باعدارلاماسى شەڭبەرىندە 86 جوبا جۇزەگە اسىرىلدى

بۇل تۋرالى اتىراۋ وبلىسى اكىمى نۇرلان نوعاەۆتىڭ توراعالىعىمەن وتكەن «بولاشاققا باعدار: رۋحاني جاڭعىرۋ» مەملەكەتتىك باعدارلاماسىن جۇزەگە اسىرۋ جونىندەگى ساراپتاما كەڭەسىنىڭ ءبىرىنشى وتىرىسىندا بەلگىلى بولدى.

سونىڭ ىشىندە "تۋعان جەر" باعدارلاماسىن جۇزەگە اسىرۋعا باسا نازار اۋدارىلعان. كۇنى بۇگىندە جوسپارلانىپ، بەكىتىلگەن 86 جوبانىڭ 21-ءى جۇزەگە اسىرىلىپتى. ال قالعان 65-ءىن جىل سوڭىنا دەيىن اياقتاۋ جوسپارلانىپ وتىر.

"تۋعان جەر" باعدارلاماسى اياسىنداعى جوبالاردى جۇزەگە اسىرۋ ءۇشىن جەرگىلىكتى بيۋدجەتتەن 155 ميلليون تەڭگە بولىنگەن ەكەن. 2021 جىلعا دەيىنگى قارجىلاندىرۋدىڭ جالپى سوماسى 1,7 ميلليارد تەڭگەگە دەيىن كوتەرىلەتىنى دە بەلگىلى بولدى.

ساراپتاما كەڭەسىنىڭ باستى مىندەتى – باعدارلاماعا ەنەتىن جوبالاردى قاراۋ، بەكىتۋ. كەڭەس قۇرامىنا ايماقتاعى بەلگىلى عالىمدار، ولكەتانۋشىلار، تاريحشىلار مەن قوعام قايراتكەرلەرى كىرگەن.

86 جوبا العا قاراي جاڭا يدەيالارمەن، قىزىقتى ۇسىنىستارمەن تولىعادى.

بۇگىنگە دەيىن جوبالىق كەڭسەدە ءتۇرلى دەڭگەيدەگى اكىمدىك، باسقارما، مەكەمەلەر ۇسىنعان 162  جوبا قارالدى.

وتكەن ماجىلىستە 43 ماڭىزدى جوبا ورتاعا سالىندى. ولاردىڭ اراسىندا «اقمەشىت» قورىمىن جاڭعىرتۋ، اتىراۋ قالاسىندا «قازاق ەلى» ورتالىعىن سالۋ جوبالارى بار. باستامالاردى جەرگىلىكتى بيۋدجەتپەن قاتار دەمەۋشىلەر دە قارجىلاندىرادى.

-مەملەكەت باسشىسى اتالعان باعدارلاما اياسىندا قازاقستاندىق قوعامدى جاڭعىرتۋعا قاتىستى كەزەڭدىك قادامداردى ۇسىندى. بىز حالىقتىڭ بارلىق توپتارىن قامتۋعا ءتيىسپىز، جۇمىسقا قوعامدىق ۇيىمدار دا تارتىلادى، وبلىستىڭ ءار تۇرعىنى باعدارلامانىڭ ءبىر مۇشەسى بولا الادى. سول كەزدە عانا وسى باعىتتاعى جۇمىستارىمىزدا جاقسى ناتيجەلەرگە قول جەتكىزەمىز - دەدى ءماجىلىستى قورتىندىلاعان وبلىس اكىمى نۇرلان نوعاەۆ. 

ايتا كەتەيىك، بۇل جوبالاردىڭ دەنى مەملەكەتتىك "تۋعان جەر" باعدارلاماسى شەڭبەرىندە جۇزەگە اسىرىلىپ وتىر. اتالعان باعدارلاما بويىنشا قازاقستاننىڭ ءار وبلىستارىندا اتقارىپىلىپ جاتقان ءجۇمىستار تۋرالىل ءبىرازدان بەرى جازىپ كەلەمىز. اسىرەسە تۋعان جەردى كوركەيتۋ، ەسكى عيماراتتاردى جاڭارتۋ ايماقتاعى حالىققا الەۋمەتتىك نىساندار سالۋ، ايماقتىق ينفراقۇرىلىمداردى جاڭعىرتۋ مەملەكەتتىك باعدارلامانىڭ نەگىزگى قامتيتىن ماسەلەسى ەكەنىن ەسكەرسەك، "تۋعان جەرگە" تۋ تىگىپ، ەلدەگى جۇرتقا يگى باستامالارىن جاساپ جۇرگەن جەكەلەگەن ازاماتتاردىڭ دا ۇلەسىن ايتا كەتۋىمىز كەرەك.

ەرعالي بەرىكۇلى

Abai.kz

11 پىكىر