جۇما, 13 جەلتوقسان 2019
اتتەڭ... 4214 0 پىكىر 29 مامىر, 2015 ساعات 10:42

«شاحتەر» نەگە شارشاپ ءجۇر؟

«شاحتەر» فۋتبول كلۋبى اعىمداعى ەل چەمپيوناتىندا جىلداعىدان وزگەشە «ونەر» كورسەتىپ ءجۇر. كومانداعا وتكەن جىلعى ويىن ماۋسىمىنىڭ 2 جارتىسىنان باستاپ تەك ساتسىزدىك جولداس بولۋدا. كلۋب توراعاسى مەن باس باپكەر الماستىرىلدى. اتاپ ايتساق، كوماندا باسشىسى ن. جارىلعاپوۆ پەن باس باپكەر ۆ چەبۋرين مىندەتتەرىنەن بوساتىلدى. كوماندا باسشىسى بولىپ بۇرىن «شاحتەردە» دوپ تەپكەن كالينينگرادتىق بالتيكا كومانداسىن جاتتىقتىرعان ەگوروۆ، ال باس باپكەردىڭ مىندەتىن ۋاقىتشا اتقارۋشى بولىپ ءبىر كەزدەرى «شاحتەردە» ويناعان ە. سۆەششنيكوۆ تاعايىندالدى. سوندا دا جەرگىلىكتى كوماندا جەڭىلىستەن كوز اشپاي كەلەدى. كۋبوك ويىندارىنان دا شەت قالدى. ال، بۇنىڭ نەگىزگى سەبەبى قۇرامداعى بەلدى ويىنشىلار وزگە كوماندالارعا اۋىسىپ كەتكەندىكتەن دەيدى ماماندار. بەلدى ويىنشىلاردىڭ ورنىن    كەلىمسەك ويىنشىلار   سەنىمدى اقتاي الماي كەلەدى. «شاحتەردىڭ» تۋرنير كەستەسىنىڭ سوڭعى ساتىسىنان كورىنۋىنە كلۋبقا بولىنگەن قاراجاتتىڭ تومەندەۋى بىردەن ءبىر سەبەپ ەكەنى ايتپاسا دا تۇسىنىكتى. وسىنداي حالدەگى سۇيىكتى كوماندامىزدى كەلەسى ماۋسىمنان باستاپ تومەنگى ليگادان كورۋىمىز ابدەن مۇمكىن. ارينە، بىزدەر، جانكۇيەر قاۋىم، وبلىس بيلىگىندەگى باسشىلار بۇنداي جاعدايعا جەتكىزبەيدى دەپ ۇمىتتەنەمىز. ەكىنشى اينالىمدا جاڭا بىلىكتى ويىنشىلار قۇرامعا قوسىلىپ، كوماندا ويىنى شيراپ، جاقسى ناتيجەلەرگە قول جەتكىزەدى دەگەن ۇمىتتەمىز.تۇتاس ءبىر ءوندىرىستى ءوڭىر مەن قالانىڭ نامىسىن قورعاپ جۇرگەن اياقدوپشىلارىمىزعا قولداۋ كورسەتىلەتىنىنە ءالى دە سەنگىمىز كەلەدى. ەڭ باستىسى – وتكەن جەڭىستەرگە توقمەيىلسي بەرمەي كەلەشەكتى ويلاپ، «شاحتەر» كومانداسىن قالاي دا داعدارىستان الىپ شىعۋعا ءبىر كىسىدەي ات سالىسقانىمىز ءجون! 

دارحان ۋاليەۆ،

قازاقستان جۋرناليستەر وداعىنىڭ مۇشەسى.

قاراعاندى قالاسى

Abai.kz

0 پىكىر