دۇيسەنبى, 21 قازان 2019
وسى عوي ەندى... 4514 0 پىكىر 30 قىركۇيەك, 2015 ساعات 23:09

قىرىمدى ۋكرايناعا "قايتارىپ" بەردى

ءبىلىم مينيسترلىگى حالىقارالىق داۋ تۋدىرعان وقۋلىقتاردى تۇگەل قايتارىپ الۋى مۇمكىن. كوميسسيا تەكسەرۋدەن كەيىن «مەكتەپ» باسپاسىنا 10-شى، 11-ءشى سىنىپتىڭ گەوگرافياسى مەن تاريحىندا كەتكەن ساياسي قاتەنى شۇعىل تۇزەتۋ تۋرالى شەشىم شىعاردى، - دەپ حابارلايدى كتك ارناسى.

داۋلى كىتاپتا ۋكراينانىڭ اننەكسيالانعان قىرىم ايماعىن رەسەيدىڭ ءبىر بولىگى دەپ جازىلعان بولاتىن. مۇنى ەستىگەن رەسمي كيەۆ نارازىلىق نوتاسىن جولداعان ەدى. وسىدان كەيىن ءبىلىم مينيسترلىگى تەكسەرۋ جۇرگىزگەن. عالىمدار مەن دەپۋتاتتاردان قۇرالعان كوميسسيا «مەكتەپ» باسپاسىنا وقۋلىقتا كەتكەن قاتەنى شۇعىل تۇزەتۋ تۋرالى شەشىم قابىلدادى. جانە ساپاسىز ساراپتاما جاساعانى ءۇشىن «وقۋلىق» عىلىمي-تاجىريبەلىك ورتالىعىنىڭ باسشىلارىنا قاتاڭ سوگىس جاريالانىپتى. ال، وقۋشىلارعا تارالىپ كەتكەن كىتاپتى «مەكتەپ» باسپاسىنىڭ قالاي تۇزەيتىنى ازىرگە بەلگىسىز. "وعان باسپانىڭ ءوزى باس اۋىرتۋى ءتيىس", -  دەيدى مينيسترلىكتەگىلەر. رەسەي قىرىم ايماعىن بىلتىر ناۋرىزدا رەفەرەندۋم ارقىلى دەگەن جەلەۋمەن ۋكراينادان تارتىپ العان بولاتىن. مۇنى ماسكەۋدىڭ كەيبىر وداقتاستارىنان باسقا ەلدەر مويىنداعان ەمەس.

"قىرىمدى رەسەيگە سىيلاعان" قازاقستاننىڭ اتى شۋلى ەكى كىتابى - وسى. 

1. "قازىرگى دۇنيەجۇزى گەوگرافياسى" (قوعامدىق گۋمانيتارلىق باعىت). تارالىمى: 26 000 دانا.

2. "دۇنيەجۇزى تاريحى" (قوعامدىق گۋمانيتارلىق باعىت). تارالىمى: 12 000 دانا.

 

 

دۇرىس-اق دەلىك. مينيسترلىك وسىلاي سۇتتەن اق، سۋدان تازا بولىپ شىعا كەلدى. دەسە دە، ءبىزدىڭ كوكەيىمىزدە: "حالىقارالىق داۋ تۋدىراتىن قاتە كىتاپتار باسىلىپ جاتقاندا مينيسترلىك نە قاراپ وتىردى؟" دەگەن ساۋال قالدى.

Abai.kz

0 پىكىر