جەكسەنبى, 17 قاراشا 2019
جاڭالىقتار 1931 0 پىكىر 28 قازان, 2015 ساعات 10:17

جاپونيا قازاقستاندا اەس سالۋدى قولدايدى

جاپونيا پرەمەر-ءمينيسترى سيندزو ابە استانادا قازاقستان پرەزيدەنتى نۇرسۇلتان نازارباەۆپەن كەزدەسۋدەن سوڭ، توكيو قازاقستاندا اتوم ەلەكتر ستانساسىن سالۋعا قولداۋ كورسەتەتىنىن مالىمدەدى.

سيندزونىڭ سوزىنشە، جاپونيا قازاقستانداعى مەملەكەتتىك جانە جەكە سالاداعى رەفورمالارعا كومەك بەرۋىن جالعاستىرا بەرمەك. ابە كەلىسسوز بارىسىندا ونەركاسىپ سالاسى ءۇشىن جوعارى بىلىكتى ماماندار دايىنداۋ جاعىنان ىنتىماقتاستىق ورناتۋ تۋرالى مامىلەگە كەلگەندەرىن مالىمدەدى.

- ءبىز پرەزيەنت نازارباەۆپەن يادرولىق سىناقتارعا تولىق تيىم سالۋعا بايلانىستى كەلىسىمشارت تۋرالى ورتاق مالىمدەمەگە قول قويدىق. بۇل سوعىس كەزىندە اتوم بومباسىنان زارداپ شەككەن جالعىز ەل رەتىندە جاپونيا ءۇشىن وتە ماڭىزدى، - دەدى سيندزو ابە.

كەزدەسۋدى قورىتىندىلاعان قازاقستان پرەزيدەنتى نۇرسۇلتان نازارباەۆ ەلىنىڭ ءىرى جاپون كومپانيالارىنان ينۆەستيتسيا كۇتەتىنىن ايتتى.

استاناعا ساپارى بارىسىندا ابە بۇگىن قازاق-جاپون بيزنەس فورۋىنا كەلەدى دەپ جوسپارلانعان. سونىمەن بىرگە جاپونيا پرەمەر-ءمينيسترى نازارباەۆ ۋنيۆەرسيتەتىندە لەكتسيا وقۋى مۇمكىن.

اباي-اقپارات 

0 پىكىر