دۇيسەنبى, 14 قازان 2019
46 - ءسوز 4187 0 پىكىر 4 ماۋسىم, 2014 ساعات 16:34

90 پايىزدان استام قازاق ءوز ءتىلىن بىلەدى

قازاقستانداعى سوڭعى رەسمي مالىمەتتەر بويىنشا ەلدەگى حالىقتىڭ 74 پايىزى قازاق ءتىلىن، 84 پايىزى ورىس ءتىلىن ەركىن مەڭگەرگەن. ال ەلدەگى 70 پايىزعا جۋىق قازاقتىڭ 98,4 پايىزى انا ءتىلىن تۇسىنەتىنىن، ال 93,2 پايىزى انا تىلىندە وقىپ جانە جازا الاتىنىن ايتقان. مەملەكەتتىك ءتىلدى ەلدەگى تۇركى جۇرتتارىنىڭ بارلىعى- وزبەك، ۇيعىر، قىرعىزدار 90 پايىزدان كەم بىلمەيدى ەكەن. قازاق ءتىلىن ەڭ ناشار مەڭگەرگەندەر - ورىس، بەلورۋس، ۋكراين، پولياك، نەمىس، كورەيلەر. 20-25 پايىزدايى تۇسىنەدى، 5-7 پايىزدايى عانا ءارتۇرلى دەڭگەيدە وقىپ-جازا الادى ەكەن. بۇلاردىڭ اراسىندا مەمتىلدى مەڭگەرۋدە ازداپ ىلگەرى تۇرعاندارى نەمىستەر، سوسىن كورەيلەر.
سوندىقتان، كەيبىر ادامدار "قازاقتىڭ تەڭ جارىمى قازاق ءتىلىن بىلمەيدى" دەگەن توقسانىنشى جىلدارى قولدان جاسالعان، بيلىك ۇدەتكەن ءميفتى تاراتپاسا ەكەن. انا تىلىنەن ءتۇرلى سەبەپتەرمەن اجىراپ قالعان 2-8 پايىز باۋىرلار وزدەرىنەن دۇنيەنىڭ كىندىگىن جاساماسا ەكەن. 90 پايىزدان استام قازاق ءوز ءتىلىن بىلەدى.

قاسىم امانجولۇلىنىڭ facebook پاراقشاسىنان الىندى.

0 پىكىر