جۇما, 13 جەلتوقسان 2019
ماسقارا! 4609 0 پىكىر 30 ماۋسىم, 2014 ساعات 13:21

"اڭىز ادام" اردەگەرلەرگە 13 ميلليون تەڭگە تولەيدى

بۇگىن گيتلەر جايلى ماتەريال باسىپ، داۋلى بولعان «جۇلدىزدار وتباسى – اڭىز ادام» جۋرنالى بويىنشا سوت ۇكىمى شىقتى. شەشىم بويىنشا، جۋرنال رەداكتورى جارىلقاپ قالىباي ارىزدانعان 13 «ارداگەردىڭ» ارقايسىسىنا ءبىر ميلليون تەڭگەدەن تولەم تولەۋگە جانە سوعىس ارداگەرلەرىنەن جاريا تۇردە كەشىرىم سۇراۋعا مىندەتتەلدى.

ءبىزدىڭ بىلەتىنىمىز، جۋرنال اتاۋى «ابىز ادام» ەمەس، «اڭىز ادام». اتالمىش ءنومىردىڭ مۇقاباسىنا «ادامزات ارداگەرى» دەپ ەمەس، «ادامزات قاسىرەتى» دەپ جازىلعان. جۋرنالدا باستان-اياق گيتلەردىڭ زۇلىمدىعى اشكەرەلەنىپ، تەك ءباسپاسوز قاعيداسى بويىنشا ناعاشىباي ەسمىرزا ەسىمدى اۆتوردىڭ «گيتلەر – فاشيست ەمەس» دەگەن جەكە پىكىرى جاريالانعان. سوتقا كۋاگەر رەتىندە تارتىلعان مۇحتار شاحانوۆتىڭ ايتقانىنداي، جۋرنالدىڭ ء«ولى گيتلەر»  ەمەس «كوزى ءتىرى» ءوزى تۋرالى نومىرىندەدە ءارتۇرلى جۇرت پىكىرىنە ورىن بەرىلگەن. بۇل - تاۋەلسىز جۋرناليستيكانىڭ زاڭى.

الدىڭعى جولى سوتى وتىرىسىنا قاتىسقاندا جىگەرىمىز قۇم بولىپ قايتىپ ەدى. قالىڭ قازاق جيىلىپ، ءولى گيتلەردىڭ ارۋاعىمەن سوتتاسىپ جاتتى. بالانىڭ ويىنى، باقسىنىڭ جىنى دەرسىڭ. باياعىدا سۇيەگى قۋراپ قالعان گيتلەردىڭ قىلمىسى ءۇشىن تانىمال جۋرناليست جارىلقاپ قالىبايدى سوتقا تارتۋ – ەش قيسىنعا سيمايدى.

 

Abai.kz

0 پىكىر