شىعىستا شاعىن EXPO
د.سەرىكباەۆ اتىنداعى شقمتۋ-دىڭ ءماجىلىس زالىندا وبلىس اكىمى بەردىبەك ساپارباەۆتىڭ قاتىسۋىمەن «جاھاندىق ديالوگتىڭ جاڭا ءتۇرى» اتتى جيىن ءوتتى.
بۇل جيىن ەلباسى نۇرسۇلتان نازارباەۆتىڭ باستاماسىمەن قولعا الىنعان «G-Global» كوممۋنيكاتيۆتى الاڭىن قولداۋعا ارنالدى. ايماق باسشىسى سەناتورلار سەرىك نۇگەربەكوۆ پەن سەرگەي پلوتنيكوۆتىڭ وبلىسىمىزعا ىسساپارمەن كەلگەنىن پايدالانىپ، اتالمىش ماڭىزدى جوبانىڭ باسىمدىقتارى مەن وعان شىعىسقازاقستاندىقتاردىڭ قانداي ۇلەس قوسا الاتىنىن تالقىلاۋ ءۇشىن جيىن وتكىزۋ شەشىمى قابىلدانعانىن ەرەكشە ەسكەرتتى.
د.سەرىكباەۆ اتىنداعى شقمتۋ-دىڭ ءماجىلىس زالىندا وبلىس اكىمى بەردىبەك ساپارباەۆتىڭ قاتىسۋىمەن «جاھاندىق ديالوگتىڭ جاڭا ءتۇرى» اتتى جيىن ءوتتى.
بۇل جيىن ەلباسى نۇرسۇلتان نازارباەۆتىڭ باستاماسىمەن قولعا الىنعان «G-Global» كوممۋنيكاتيۆتى الاڭىن قولداۋعا ارنالدى. ايماق باسشىسى سەناتورلار سەرىك نۇگەربەكوۆ پەن سەرگەي پلوتنيكوۆتىڭ وبلىسىمىزعا ىسساپارمەن كەلگەنىن پايدالانىپ، اتالمىش ماڭىزدى جوبانىڭ باسىمدىقتارى مەن وعان شىعىسقازاقستاندىقتاردىڭ قانداي ۇلەس قوسا الاتىنىن تالقىلاۋ ءۇشىن جيىن وتكىزۋ شەشىمى قابىلدانعانىن ەرەكشە ەسكەرتتى.
- پارلامەنت سەناتىنىڭ دەپۋتاتتارى سىزدەرگە الەمدە، سونىڭ ىشىندە ءبىزدىڭ ماڭايىمىزدا بولىپ جاتقان ەكونوميكالىق وزگەرىستەر مەن ۇدەرىستەردى تانىستىرۋ ءۇشىن كەلىپ وتىر. ەلباسى ۇسىنعان «G-Global» جوباسىنىڭ نەگىزگى باعدارلامالارىنىڭ ءبىرى بولىپ سانالاتىن يادرولىق قاۋىپسىزدىك پەن «جاسىل ەكونوميكا»، ۇلتارالىق جانە دىنارالىق تۇراقتىلىقتى قامتاماسىز ەتۋ ماسەلەلەرى ءبىزدىڭ ايماققا تىكەلەي قاتىستى. بۇل جيىننىڭ ءبىز ءۇشىن ماڭىزدىلىعى وسىندا. ءتورت جىل بۇرىن الەم ەكونوميكاسى مەن دامىعان ەلدەردىڭ تاجىريبەسىن زەرتتەيتىن كلۋب قۇرىلعان بولاتىن. سول كلۋبتىڭ جۇمىسى وزەكتى بولعانى سونشالىق، بۇگىن سول كىشىگىرىم ورتا ۇلكەن ۇيىمعا اينالىپ وتىر. سول ۇيىمنىڭ ارقاسىندا دۇنيەجۇزىندە بولىپ جاتقان بارلىق ەكونوميكالىق جەتىستىكتەر مەن جاڭالىقتار قازاقستانعا تاراپ وتىر. ەلباسىمىز ينتەگراتسياسىز قازىرگى جاعدايدا العا جىلجۋ مۇمكىن ەمەس ەكەنىن ۇنەمى ايتىپ كەلەدى. ال «G-Global» جوباسى وسى تۇرعىدا دا ۇلكەن اقپاراتتىق قۇرال بولا الادى.
ەلىمىزدىڭ الدىنا رەسۋرستاردى ۇنەمدەۋ مىندەتى قويىلعاننان بەرى «EحPO-2017» كورمەسىن وتكىزۋدىڭ ماڭىزدىلىعى ارتا تۇسكەنىن دە بىلەسىزدەر. بۇل جوبانىڭ جەمىستى جۇزەگە اسۋى ءۇشىن ءبىزدىڭ وبلىس تاراپىنان قانداي شارۋالار تىندىرىلىپ جاتقانىنا توقتالساق، كەلەر جىلى وڭتۇستىك كورەيا مەن قىتايدىڭ تاجىريبەسىن زەرتتەي وتىرىپ، ءوز بازامىزدا شاعىن EXPO وتكىزبەكپىز. ال تۇراقتىلىقتى قامتاماسىز ەتۋ باعىتىندا ءبىزدىڭ كىشى اسسامبلەيا مەن ۇلتتىق-مادەني بىرلەستىكتەر قۇرىلعان. سولاردىڭ جۇمىسىن جانداندىرۋ ارقىلى وڭىردە تۇتاستىق ساقتالۋدا. ەلباسىنىڭ بۇل باستاماسى بولاشاققا ارنالعان جوبا ەكەنى داۋسىز. ونىڭ ەل بولاشاعىنا قاتىستى قوزعاعان ماسەلەلەرى شىعىسقازاقستاندىقتاردىڭ ەل ەرتەڭىنە دەگەن سەنىمىن ارتتىرا ءتۇستى. قازىر ءبىزدىڭ ەرەسەكتەر مەن ستۋدەنتتەردى قويىپ، وقۋشىلاردىڭ ءوزى ەكونوميكا ىلىمىنە قىزىعۋشىلىق تانىتا باستادى. بۇل ۇلت كوشباسشىسى العا قويعان مىندەتتەردىڭ بولاشاقتاعى ومىرشەڭدىگىن كورسەتەدى، - دەگەن وبلىس اكىمى سەناتور سەرىك نۇگەربەكوۆتى «G-Global» جوباسىن ىسكە اسىرۋشى رەتىندە تانىستىرىپ، ءسوز كەزەگىن ۇسىندى.
سەناتوردىڭ ايتۋىنشا، اتالمىش جوبا ەلباسىنىڭ الەم قاۋىمداستىعى الدىندا عالامدىق داعدارىستى ەڭسەرۋ بويىنشا ۇسىنعان سىندارلى جوبالاردى قامتىپ وتىر. جىل سايىنعى استانا ەكونوميكالىق فورۋمى، بۇكىلالەمدىك داعدارىسقا قارسى كونفەرەنتسيا، الەمدىك جانە ءداستۇرلى دىندەر ليدەرلەرىنىڭ سەزى، «EXPO-2017»، قاۋىپسىز اتوم ەنەرگەتيكاسى، حالىقارالىق ەكولوگيالىق «جاسىل كوپىر» سەرىكتەستىك باعدارلاماسى سىندى سۇيەكتى جوبالاردى جۇزەگە اسىرۋدىڭ باسىم باعىتتارى مەن جولدارىن ۇزدىكسىز تالقىلاپ وتىرۋ قاجەتتىگى تۋعاندىقتان، اتالمىش سۇحبات الاڭى قۇرىلعانىن ايتقان سەرىك نۇگەربەكوۆ بۇل جوبا جالپى ەكونوميكانى دامىتۋدىڭ تەورياسى مەن تاجىريبەسىنىڭ توقايلاسار ورنى بولاتىنىن مەڭزەدى. جوبا اياسىندا ونىڭ بەس قاعيداتىنا قاتىستى وزەكتى ماسەلەلەر ونلاين جۇيەدە ايلار بويىندا تالقىعا تۇسپەك.
«G-Global» مەگاجوباسىنا اتسالىسۋشى ءاربىر قازاقستاندىق جاس عالامتور ارقىلى الەمنىڭ قول جەتە بەرمەيتىن بەدەلدى ەكونوميكالىق جۋرنالدارىمەن سۋسىنداپ قانا قويماي، 17 نوبەل سىيلىعىنىڭ لاۋرەاتتارى باستاعان بىلىكتى ساراپشىلارمەن بايلانىسقا ءتۇسۋ مۇمكىندىگىنە يە بولا الاتىنى دا ايتىلدى.
مەگاجوبانىڭ ماڭىزدىلىعى مەن ونى جۇزەگە اسىرۋدا ايماقتىڭ نەندەي ۇسىنىستار بەرە الاتىنى جونىندە ءوز ويلارىن عالىمدار اتىنان الەكساندر كايگورودتسەۆ پەن نەللي كراسنوباەۆا، ۇكىمەتتىك ەمەس ۇيىمدار اتىنان ولەگ چەرنىشوۆ، اتوم ەنەرگەتيكتەرى اتىنان الەكساندر گۋركين، جاستاردىڭ اتىنان ەركەبۇلان بالتابەكوۆ ءۇن قوستى. ال اكتيۆكە قاتىسۋشى جاس عالىمدار ءتۇرلى ساۋالدار قويىپ، تولىمدى جاۋاپ الدى.
جيىندى قورىتىندىلاعان ايماق باسشىسى بارلىق كوتەرىلگەن ۇسىنىستار نازارعا الىنعانىن مالىمدەپ، جاستاردى بۇگىنگى زامان ۇسىنىپ وتىرعان اقپاراتتىق مۇمكىندىكتەردى سارقا پايدالانۋعا شاقىردى.
- كوپتەگەن ۇسىنىستار كوڭىلدەن شىعىپ جاتىر. اسىرەسە، ەرەجەپ مامبەتقازيەۆ ۇسىنعان ءوزىمىزدىڭ سۇحبات كلۋبىن قۇرۋ يدەياسىن زەردەلەۋ قاجەت. ال قاۋىپسىزدىكتى قامتاماسىز ەتۋ جونىندەگى ۇلتتىق كلۋب ۇسىنىسىنا كەلەر بولساق، بۇل سيپاتتاعى سۇحبات الاڭدارى بىزدە جەتكىلىكتى. كايگورودتسەۆ مىرزانىڭ زاۋىتتاردا ەسكى تەحنولوگيالار پايدالانىلىپ كەلە جاتقانى جونىندەگى مالىمدەمەسىنە الىپ-قوسارىم، بىزدەگى الىپ ءوندىرىس وشاقتارىنىڭ ءبارى الەمدىك ستاندارتتارعا ساي ينفراقۇرىلىممەن جۇمىس ىستەپ كەلەدى. ءتۇستى مەتالدارعا سۇرانىستىڭ تۇسكەنىنە قاراماستان، جۇمىس ورىندارىنىڭ ساقتالىپ، ەڭبەكاقى مولشەرىنىڭ تۇراقتى قالۋى سونىڭ ايعاعى. سونىڭ ارقاسىندا ەكونوميكالىق ءوسىمدى عالىم ايتقان 5-6 پايىزدىق مەجەدەن ارتىق ورىنداپ وتىرمىز. ەلباسى ۇسىنعان دامۋدىڭ جاڭاشىل باعىتتارىن ويداعىداي جۇزەگە اسىرۋ ءۇشىن تەك اشىق سۇحباتقا شىعىپ قانا قويماي، كوزبەن كورىپ، تىكەلەي ارەكەت ەتۋدىڭ ماڭىزى زور دەر ەدىم، - دەدى ول. ال سەرىك نۇگەربەكوۆ شىعىسقازاقستاندىق جاستاردى«G-Global» سۇحبات الاڭىنا بەلسەنە قاتىسۋعا شاقىرىپ، كەلەر جىلى ءدارىس بەرۋشى نوبەل سىيلىعى لاۋرەاتتارىنىڭ ءبىرىن ءبىزدىڭ ايماققا اكەلۋگە ۋادە بەردى. جيىن سوڭىندا «G-Global» جوباسىن ودان ءارى دامىتۋ بويىنشا قورىتىندى قارار قابىلداندى.
اباي-اقپارات
