سەنبى, 19 قازان 2019
جاڭالىقتار 2471 0 پىكىر 31 مامىر, 2013 ساعات 14:19

«جۇمىسپەن قامتۋ»

جۇمىسپەن قامتۋ  مۇگەدەك جاندار ءۇشىن «جاقسى ترامپلين»!

جۇمىسپەن قامتۋ  مۇگەدەك جاندار ءۇشىن «جاقسى ترامپلين»!

ۇكىمەت 29 مامىر كۇنى 2012-2018 جىلدارعا ارنالعان «مۇگەدەكتەردىڭ قۇقىقتارىن قامتاما­سىز ەتۋ جانە ءومىر ءسۇرۋ ساپاسىن جاق­سارتۋ جونىندەگى ءىس-شارالار جوسپارى­نىڭ» جۇزەگە اسۋ با­رىسىن قاراعان بولاتىن. «شىراق» مۇگەدەكتىگى بار ايەلدەر قاۋىمداستىعىنىڭ ءتورايىمى لياززات قالتاەۆا ۇكىمەتكە بىرقاتار تىڭ ۇسىنىستارىن العا تارتتى. ءوزى دە مۇگەدەك جانداردىڭ قاتارىنان تابىلاتىن، قوعامدىق باسشىسى لاززات قالتاەۆا جۇمىسپەن قامتۋ باع­دار­لاماسىن «ەڭبەك ەتىپ، تابىس تاۋىپ، ءوزىن لايىقتى، سەنىمدى ادام سەزىنگىسى كەلە­تىن» مۇگەدەكتىگى بار ادامدار ءۇشىن «جاقسى ترامپلين» بولىپ تابىلادى دەپ سا­ناي­دى ەكەن. «قازىر وسى باعدارلاما بويىن­شا ءبىزدىڭ قوعامدىق بىرلەستىك­تەر­دە جۇمىس جاساپ جاتقان مۇگەدەكتىگى بار ادامداردىڭ ارى قاراي قالاي «اشىق ەڭ­بەك نارىعىنا» شىعۋى جايىن ويلاستى­رۋ قاجەت» دەدى ول. بۇل رەتتە ۇكى­مەت باسشىسى «مۇگەدەكتەردىڭ  قۇقىق­تارى  تۋ­رالى كونۆەنتسياعا» سايكەس، قا­زاقستاننىڭ حالىقارا­لىق مىن­دەتتەمەلەرىن جۇزەگە اسىرۋ تيىستىگىن دە نازارعا الدى.  ول ءۇشىن مەملەكەت ءار مۇگەدەك جاننىڭ قوعامدىق ومىرگە بەلسەنە ارالاسۋى ءۇشىن،  وعان مۇمكىندىك بەرەتىن الەۋمەتتىك-ەكو­نوميكالىق جاعدايلار تۋ­عىزىلۋى كەرەك». سەرىك احمەتوۆ ەڭبەك مينيستر­لىگىنە، مۇددەلى مەمورگان­دارمەن، قوعامدىق ۇيىمدارمەن بىرلەسىپ، كەلەسى كەزەڭگە، 2014-2015 جىلدارعا ار­نالعان ءىس-شارالار جوسپارىن ازىرلەۋگە كىرىسۋدى تاپسىردى. ال جەرگىلىكتى اتقارۋشى ورگاندار مۇمكىندىگى شەكتەۋلى جانداردىڭ تۇرعىن ۇيلەرگە، ءبىلىم بەرۋ، دەنساۋلىق ساقتاۋ، ما­دەنيەت جانە سپورت نىساندارىنا ەركىن كىرە الۋىن قامتاماسىز ەتۋگە مىندەتتەلدى. پرەمەر مۇگەدەكتەردى جۇمىسقا ورنالاس­تىرۋ، ولاردى وقىتۋ ماسەلەلەرىن شەشۋ قاجەتتىگىن اتاپ ءوتتى. 

 

0 پىكىر