جۇما, 15 قاراشا 2019
جاڭالىقتار 2010 0 پىكىر 27 قاراشا, 2011 ساعات 09:25

الامانعا «اق جول» پارتياسى شىقتى

الماتى قالاسىنداعى «الاتاۋ» ەمدەۋ-ساۋىقتىرۋ كەشەنىنىڭ عيماراتىندا «اق جول» دەموكراتيالىق پارتياسىنىڭ قۇرىلتايى ءوتىپ جاتىر.

ەستەرىڭىزگە سالا كەتەيىك، «اق جول» پارتياسى  2002 جىلى ادىلەت مينيسترلىگىنە ساياسي پارتيا رەتىندە تىركەلەگەن بولاتىن. پارتيا باسشىلىعىندا «جاس تۇركىلەر»: وراز جاندوسوۆ، بولات ءابىلوۆ، ءاليحان بايمەنوۆتار بولدى. 2003 جىلى 9 قاراشادا  وتكەن پارتيا قۇرىلتايىندا تەڭ توراعالاردىڭ قاتارىنا   بۇرىنعى قوعامدىق كەلىسىم جانە اقپارات ءمينيسترى، ماسكەۋدە قازاقستاننىڭ ەلشىسى بولعان مەملەكەت قايراتكەرى، مارقۇم التىنبەك سارسەنبايۇلى مەن ليۋدميلا جۋلانوۆا قوسىلدى. ساياسي ارەنادا سالماقتى ويىن كورسەتە الاتىن قابىلەتىن اڭعارتقان پارتيا ءوز ىشىنەن ءبولىنىپ، 2005 جىلى كوكەكتىڭ 29-ىندا «ناعىز اق جول» پارتياسى قۇرىلدى.  ال، «اق جول» دەموكراتيالىق پارتياسى بايمەنوۆ پەن جۋلانوۆانىڭ باسشىلىعىندا قالدى. ۇستىمىزدەگى جىلى پارتيا جەتەكشىلىگىندە اۋىس-ءتۇيىس بولىپ، مەملەكەتتىك قىزمەت ىستەرى اگەنتتىگىنە باسشىلىققا تاعايىندالعان بايمەنوۆتىڭ ورنىنا  «نۇر وتان» پارتياسى ساياسي كەڭەسىنىڭ مۇشەلىگىنەن شىققان ازات پەرۋاشەۆ سايلاندى.

پەرۋاشەۆ پارتيا قۇرىلتايىنىڭ نەگىزگى بايانداماسىندا «اق جولدىڭ» بىرنەشە بەلەستەردەن ءوتىپ ۇلگەرگەنىنە توقتالا كەلىپ: «ءبىزدىڭ جەڭگەن كەزىمىز دە، جەڭىلگەن كەزىمىز دە بولدى. سونىڭ ءبارى ءبىزدى شىنىقتىردى، ساياسي كۇش قۋاتىمىزدى ەسەلەدى. ءبىز جەڭىسكە جەتەمىز!» - دەدى.

الماتى قالاسىنداعى «الاتاۋ» ەمدەۋ-ساۋىقتىرۋ كەشەنىنىڭ عيماراتىندا «اق جول» دەموكراتيالىق پارتياسىنىڭ قۇرىلتايى ءوتىپ جاتىر.

ەستەرىڭىزگە سالا كەتەيىك، «اق جول» پارتياسى  2002 جىلى ادىلەت مينيسترلىگىنە ساياسي پارتيا رەتىندە تىركەلەگەن بولاتىن. پارتيا باسشىلىعىندا «جاس تۇركىلەر»: وراز جاندوسوۆ، بولات ءابىلوۆ، ءاليحان بايمەنوۆتار بولدى. 2003 جىلى 9 قاراشادا  وتكەن پارتيا قۇرىلتايىندا تەڭ توراعالاردىڭ قاتارىنا   بۇرىنعى قوعامدىق كەلىسىم جانە اقپارات ءمينيسترى، ماسكەۋدە قازاقستاننىڭ ەلشىسى بولعان مەملەكەت قايراتكەرى، مارقۇم التىنبەك سارسەنبايۇلى مەن ليۋدميلا جۋلانوۆا قوسىلدى. ساياسي ارەنادا سالماقتى ويىن كورسەتە الاتىن قابىلەتىن اڭعارتقان پارتيا ءوز ىشىنەن ءبولىنىپ، 2005 جىلى كوكەكتىڭ 29-ىندا «ناعىز اق جول» پارتياسى قۇرىلدى.  ال، «اق جول» دەموكراتيالىق پارتياسى بايمەنوۆ پەن جۋلانوۆانىڭ باسشىلىعىندا قالدى. ۇستىمىزدەگى جىلى پارتيا جەتەكشىلىگىندە اۋىس-ءتۇيىس بولىپ، مەملەكەتتىك قىزمەت ىستەرى اگەنتتىگىنە باسشىلىققا تاعايىندالعان بايمەنوۆتىڭ ورنىنا  «نۇر وتان» پارتياسى ساياسي كەڭەسىنىڭ مۇشەلىگىنەن شىققان ازات پەرۋاشەۆ سايلاندى.

پەرۋاشەۆ پارتيا قۇرىلتايىنىڭ نەگىزگى بايانداماسىندا «اق جولدىڭ» بىرنەشە بەلەستەردەن ءوتىپ ۇلگەرگەنىنە توقتالا كەلىپ: «ءبىزدىڭ جەڭگەن كەزىمىز دە، جەڭىلگەن كەزىمىز دە بولدى. سونىڭ ءبارى ءبىزدى شىنىقتىردى، ساياسي كۇش قۋاتىمىزدى ەسەلەدى. ءبىز جەڭىسكە جەتەمىز!» - دەدى.

بايانداماداعى ءتۇيىندى ويلارىنىڭ بىرىندە پەرۋاشەۆ «ءبىزدىڭ بايلىعىمىز مەتالل ەمەس -  حالىق» دەدى.  -ال حالىققا ادىلەتتى قوعام كەرەك. ادىلەت جالعىز جانە ول ساتىلماۋى قاجەت».

پارتيا جاستاردى كاسىپورىندارعا جۇمىسقا ورنالاستىرىپ، جوعارى جالاقىمەن قامتاماسىز ەتۋ ءۇشىن كۇرەسەتىندەرىن مالىمدەدى. باياندامادا جانە مىنانداي جولدار بار:

سوت وتىرىسى، اقپارات تاراتۋ اشىق بولۋعا ءتيىس.

قىلمىستىق ىستەرگە جازا بەكىتۋدە جۇمساقتىقتى جاقتايتىن قازاقستان بيلىگى ينتەرنەت رەسۋرستارىنىڭ قىزمەتىن  شەكتەۋدەن باس تارتۋى كەرەك.

وبسە-گە توراعالىق ەتكەن قازاقستاننىڭ  ءتورت  «ت» ءپرينتسيپى تۇعىرىنان تايماۋى كەرەك، ت.ب.

قىسقاسى، ءماجىلىس پەن ءماسليحات سايلاۋىنا «اق جول» دەموكراتيالىق پارتياسى دا قىزۋ كىرىسىپ كەتتى. «نۇر وتاننىڭ» ىعايى مەن سىعايلارىنان ارتىلعان ورىننىڭ ءبارى  «اق جولدىكى» دەسەدى بىلەتىندەر.

P.S. سەزد جۇمىسى باستالماس بۇرىن پارتيا جەتەكشىلەرى احمەت بايتۇرسىنوۆتىڭ ەسكەرتكىشىنە گۇل شوقتارىن قويىپ، الاش ارىسىنا تاعزىم ەتتى. پارتيا باسشىسى ا.پەرۋاشەۆ احاڭنىڭ مۇراجايىن ارالاپ كوردى.

سەزد بارىسىندا پارتيانىڭ سايلاۋالدى پلاتفورماسى بەكىتىلىپ، دوداعا تۇسەتىن ۇمىتكەرلەردىڭ ءتىزىمى انىقتالادى. سەزگە رەسپۋبليكانىڭ بارلىق ايماعىنان وكىلدەر كەلدى.

«اباي-اقپارات»

0 پىكىر