سەنبى, 28 ناۋرىز 2020
تەرىسكە شىعارۋ 1530 1 پىكىر 17 اقپان, 2020 ساعات 11:12

«اسلان شايقىۇلىنىڭ ماقالاسىنداعى اقپاراتتار شىندىققا سايكەس كەلمەيدى»

تەرىسكە شىعارۋ

«Abai.kz» اقپاراتتىق پورتالىندا 2020 جىلدىڭ 5 اقپانىندا اسلان شايقىۇلىنىڭ اتىنان جاريالانعان «ەكىباستۇزدىڭ ءبىلىم سالاسىن وبلىس اكىمى ءوز باقىلاۋىنا السىن!» اتتى باسىلىمىندا اقيقاتقا جاناسپايتىن، سونداي-اق مەنىڭ ار-نامىسىم، قادىر-قاسيەتىم مەن ىسكەرلىك بەدەلىمە نۇقسان كەلتىرەتىن اقپاراتتى قر «بۇقارالىق اقپارات قۇرالدارى تۋرالى» زاڭىنىڭ 19-بابى، سونداي-اق، قر قك 130-بابىنا سايكەس تەرىسكە شىعارۋدى جانە تومەندەگى اقپاراتتى جاريالاۋىڭىزدى سۇرايمىن:

2020 جىلعى 5 اقپاندا جاريالانعان ەكىباستۇزدىڭ ءبىلىم سالاسىن وبلىس اكىمى ءوز باقىلاۋىنا السىن!" اتتى اسلان شايقىۇلى اتىنان جاريالانعان ماقالادا ەكىباستۇز قالاسى ءبىلىم ءبولىمىنىڭ، سونداي-اق، ونىڭ باسشىسى ج.ا.حامزاباەۆانىڭ قىزمەتى، ار-نامىسى مەن قادىر-قاسيەتىنە، ىسكەرلىك بەدەلىنە نۇقسان كەلتىرەتىن جالعان اقپارات باياندالعان.

اتاپ ايتقاندا، ەكىباستۇز قالاسىنىڭ ءبىلىم ءبولىمىنىڭ №33 مەكتەپتە بولعان وقيعاعا قاتىستى ەشقانداي شارا قولدانبادى دەۋى دۇرىس ەمەس. ءبىلىم ءبولىمى ءوز قۇزىرەتى شەگىندە 3-سىنىپ وقۋشىسىمەن بولعان جاعدايعا بىردەن جاۋاپ بەردى. 

ءىس قالالىق كامەلەتكە تولماعانداردىڭ ىستەرى جونىندەگى كوميسسيانىڭ وتىرىسىندا قارالدى. قىزمەتتىك مىندەتتەرىنە جاۋاپسىزدىقپەن قاراعانى ءۇشىن مەكتەپ ديرەكتورى قىزمەتىنەن بوساتىلدى، جاسوسپىرىمدەردىڭ زاڭسىز ارەكەتتەرى ءۇشىن وقۋ ءىسىنىڭ مەڭگەرۋشىسى، سىنىپ جەتەكشىسى جانە الەۋمەتتىك پەداگوگ تىرتىپتىك جازاعا تارتىلدى. ءىس ەكىباستۇز قالاسىنىڭ پوليتسيا بولىمىنە تاپسىرىلدى، قازىرگى ۋاقىتتا وندىرىستە. جاۋاپتى ورگاندار جاسوسپىرىمدەردىڭ اتا-انالارىن قاتىستى اكىمشىلىك قۇقىق بۇزۋشىلىق تۋرالى كودەكستىڭ 127-بابىنىڭ 3-بولىگى بويىنشا (كامەلەتكە تولماعان بالانى تاربيەلەۋ نەمەسە ءبىلىم بەرۋ بويىنشا  مىندەتتەردى تيىسىنشە ورىنداماعانى ءۇشىن) اكىمشىلىك جاۋاپكەرشىلىككە تارتۋ شارالارىن قولدانادى. 

2019 جىلدىڭ قازان ايىندا مەملەكەتتىك اۋديتپەن انىقتالعان ءبىلىم ءبولىمى تاراپىنان بۇزۋشىلىقتار تۋرالى جاريالانعان اقپارات دالەلدەنبەگەن جانە ج.ا.حامزاباەۆانىڭ ار-نامىسىنا، قادىر-قاسيەتىنە جانە اسكەرلىك بەدەلىنە نۇقسان كەلتىرەدى. 

بۇل اۋديت 2018 جىلدىڭ قاڭتارىنان 2019 جىلدىڭ شىلدەسىنە دەيىن ارالىقتى قامتىدى. حامزاباەۆا ج.ا.2018 جىلدىڭ قاراشا ايىنان ءبىلىم ءبولىمىنىڭ باسشىسى بولىپ تاعايىندالعاندىقتان، قارجىلىق قۇجاتتارعا قول قويۋ قۇقىعى 2018 جىلدىڭ قاراشا ايىنان عانا بەرىلدى. 

سونداي-اق، بۇگىنگى تاڭدا ج.ا.حامزاباەۆا لاۋازىمىنا كىرىسكەننەن باستاپ تەكسەرۋ كوميسسياسىانىقتاعان بارلىق ەسكەرتۋلەر جويىلدى. اتاپ ايتقاندا، ءبولىم ەرەجەسىندە ورتالىقتاندىرىلعان بۋحگالتەريا تۋرالى مالىمەتتەردىڭ بولماۋى تۋرالى ەسكەرتۋ ءبولىم ەرەجەسىنە وزگەرىستەر مەن تولىقتىرۋلار ەنگىزۋ جولىمەن جويىلدى. (ەكىباستۇز قالاسى اكىمدىگىنىڭ 2019 جىلعى 15 قازانداعى №955/10 قاۋلىسى). 

ودان ءارى جۇرگىزىلگەن ەسەپتەۋلەر نەگىزىندە ورتالىقتاندىرىلعان بۋحگالتەرلىك ەسەپ قۇرىلىمى مەن قىزمەتىنە وزگەرىس ەنگىزىلدى. سونداي-اق، 464003011 "جالپى ءبىلىم بەرۋ" بيۋدجەتتىك باعدارلاماسى بويىنشا بيۋدجەتكە 130 700,00 مىڭ تەڭگە كولەمىندە اقشالاي قاراجات قايتارىلدى (ارتىق ەسەپتەلگەن قاراجات). 

بۇگىنگى كۇنى اۋديتتىك تەكسەرۋ قورىتىندىسى بويىنشا بارلىق ەسكەرتۋلەر جويىلدى، باسشى ج.ا.حامزاباەۆا لاۋازىمىنا تاعايىندالعانعا دەيىن جۇمىستا كەمشىلىكتەرگە جول بەرگەن جاۋاپتى تۇلعالار تارتىپتىك جاۋاپكەرشىلىككە تارتىلدى. 

ودان ءارى تسيفرلاندىرۋ اياسىندا ءوڭىردىڭ ءبىلىم بەرۋ جۇيەسىنە بۇلتتى بۋحگالتەريا ەنگىزىلۋدە، بۇل وزگەرىس كادرلىق ەسەپ پەن بۋحگالتەرلىك ەسەپتى قامتيدى، سوندىقتان قارجىلىق بۇزۋشىلىقتاردى بولدىرماۋ ماقساتىن كوزدەيدى. 

باسىلىم اۆتورى №1 بالاباقشا مەڭگەرۋشىسى ت.ۆ.ءشميدتتىڭ ماراپاتىن تابىستاۋ تۋرالى كورسەتكەن فاكت شىندىققا جاناسپايدى. 

ت.ۆ.شميدت كانديداتۋراسى ءبولىمنىڭ كادرلىق قىزمەتىمەن ماراپاتتاۋعا ۇسىنىلدى جانە قالانىڭ پەدەگوگيكالىق قىزمەتكەرلەرى كاسىپوداعىنىڭ ءتورايىمى ا.س.راحيمجانوۆامەن كەلىسىلدى. تاتيانا ۆيكتوروۆنا شميدت "روماشكا"№1 بوبەكجاي-باقشاسى" دامۋ ورتالىعىنىڭ باسشىسى رەتىندە ايماقتىڭ مەكتەپكە دەيىنگى ءبىلىم بەرۋ سالاسىن دامىتۋعا قوسقان ەلەۋلى ۇلەسى جانە جوعارى كورسەتكىشتەرى ءۇشىن ماراپاتتاۋعا ۇسىنىلدى. 

بالاباقشا مەن ونىڭ تاربيەلەنۋشىلەرى تۋرالى حالىقارالىق جانە رەسپۋبليكالىق دەڭگەيدەگى كونكۋرستار مەن وليمپيادالارداعى كوپتەگەن جەتىستىكتەرىن بىرنەشە رەت قالا، وبلىس جانە رەسپۋبليكا كولەمىندە بۇقارالىق اقپارات قۇرالدارىنا جازدى. 

ماقالا اۆتورى ج.ا.حامزاباەۆانىڭ اتىنا سمس-حابارلامالاردى جىبەرۋ ماسەلەسى بويىنشا نارازىلىعى دۇرىس ەمەس جانە نەگىزسىز بولىپ تابىلادى. 

اسلان شايقىۇلى ن.ۆ.نەفەدوۆانىڭ قالالىق ءماسليحاتتىڭ وتىرىسىندا سمس-حابارلامالارىن تاراتۋىن كورسەتەدى. بىرىنشىدەن، اسلان شايقىۇلى اتتى ادام قالالىق ءماسليحاتتىڭ وتىرىسىنا قاتىسقان جوق، سوندىقتان، اقپاراتتى ءبىلۋى مۇمكىن ەمەس. ەكىنشىدەن، اتالعان فاكتى بويىنشا ءماسليحات سەسسيالارىندا شەشىمدەردىڭ ءتارتىبى مەن وبەكتيۆتىلىگى ءۇشىن جاۋاپكەرشىلىكتى ج.ا.حامزاباەۆا ەمەس، قالالىق ءماسليحاتتىڭ حاتشىسى ب.ق.قۇسپەكوۆ جاۋاپ بەرەتىندىگىنە نازار اۋدارۋ قاجەت.

№28 مەكتەپتەگى جاعايعا كەلسەك، ءبىلىم ءبولىمى جانە ونىڭ باسشىسى ج.ا.حامزاباەۆا تاراپىنان ەشقانداي زاڭ بۇزۋشىلىق بولعان جوق. سونداي-اق، مەكتەپ تالىمگەرى فاريدا تويلىبايدىڭ ارىزى بويىنشا قىزمەتتىك تەكسەرىستى ج.ا.حامزاباەۆا كاسىپوداق ۇيىمىنىڭ ءتورايىمى ا.راحيمجانوۆامەن بىرگە جۇرگىزدى. شاعىمدا كورسەتىلگەن دەرەك راستالعاندىقتان، №28 ورتا مەكتەپتىڭ ديرەكتورى كەنجەباەۆا ا.ك. جۇمىستان بوساتىلدى. مەكتەپ قىزمەتكەرلەرىمەن كەزدەسۋ كەزىندە اقشا جيناۋ فاكتىلەر ايتىلعان جوق جانە بۇرىن اقشا جيناۋ تۋرالى شاعىممەكتەپپەداگوگتارى تاراپىنان ءبىلىم بولىمىنە تۇسپەگەنى اناقتالدى. 

ج.ا.حامزاباەۆانىڭ ءوتىنىمى بويىنشا سىبايلاس جەمقورلىققا قارسى ءىس-قيمىل ۇلتتىق بيۋروسىنىڭ ەكىباستۇز قالاسى بويىنشا دەپارتامەنتىنە وسى فاكتى بويىنشا حات جولداندى.

باسىلىمدا كورسەتىلگەن بارلىق باسقا مالەمەتتەر ەكىباستۇز قالاسى ءبىلىم ءبولىمىنىڭ قىزمەتى جانە ونىڭ باسشىسى ج.ا.حامزاباەۆاعا قاتىستى ەمەس جانە اۆتوردىڭ ءوز وي-پىكىرى بولىپ تابىلادى. 

باسىلىم اۆتورى ءوزىنىڭ نەگىزسىز پىكىرى مەن الىپ-قاشپا سوزدەرگە سۇيەنۋى نەگىزىندە، قوعام اراسىندا ەكىباستۇز قالاسىنىڭ ءبىلىم ءبولىمى مەن پەداگوگيكالىق قاۋىمداستىعىنىڭ قىزمەتىنە تەرىس باعا بەرۋگە تىرىسقانىن اتاپ كورسەتكىمىز كەلەدى. 

ەكىباستۇز ءوڭىرىنىڭ ءبىلىم ءبولىمىنىڭ اعىمداعى جىلى اتقارعان جۇمىسى تۋرالى وبەكتيۆتى دەرەكتەر بار، اتقارىلعان جۇمىسقا ءتيىستى جوعارى باعا دا بەرىلدى. 

سونىڭ بىرنەشەۋىن مىسالعا اتاپ وتۋگە بولادى. 

جاڭا وقۋ جىلىنا دەيىن التى وقۋ نىسانى كۇردەلى جوندەۋدەن ءوتىپ، بارلىق ءبىلىم بەرۋ مەكەمەلەرىندە اعىمداعى جوندەۋ جۇمىستارى جۇرگىزىلدى. 

6 مەكتەپكە كومپيۋتەرلىك جابدىقتار ساتىپ الىندى، 3000 باستاۋىش سىنىپ وقۋشىلارى جەكە شكافتارمەن قامتاماسىز ەتىلدى. مەكتەپكە دەيىنگى ۇيىمداردىڭ جەلىسى جىل سايىن كەڭەيىپ كەلەدى. 2019 جىلى مەملەكەتتىك تىلدە وقىتاتىن 150 ورىندىق بالاباقشا اشىلدى، باقشادا 43 ادام جۇمىسپەن قامتىلعان. مەكتەپكە دەيىنگى مەكەمەلەردە تاربيەلەنۋشىلەر سانى ارتىپ كەلەدى. وقۋ جىلىنىڭ باسىندا ءوڭىردىڭ مەكتەپكە دەيىنگى مەكەمەلەرىنە 7822 بالا قامتىلدى. وتكەن جىلمەن سالىستىرعاندا ەكى جاستان ءۇش جاسقا دەيىنگى بالالاردى قامتۋ 23%-دان (2018 جىلى) 37%-عا دەيىن ارتتى. ءۇش جاستاعى بالالاردى مەكتەپكە دەيىنگى وقىتۋمەن جانە تاربيەمەن قامتۋ 100% قۇرايدى. ەكىباستۇزدىڭ بارلىۇق بالاباقشالارىندا وزگە ۇلت وكىلدەرى 745 (2018-585) مەكتەپكە دەيىنگى بالالار وقيتىن جانە تاربيەلەنەتىن توپتار اشىلدى. 

ەسەپتى جىلى جاڭارتىلعان ءبىلىم بەرۋ مازمۇنى بويىنشا كۋرستىق دايارلىقپەن 751 تاربيەشى قامتىلعان. بالالاردى مەكتەپكە دەيىنگى ءبىلىم بەرۋ ۇيىمدارىنا جانە ءبىرىنشى سىنىپقا قابىلداۋ كەزىندە تەڭ قۇقىقتار مەن اشىقتىقتى قامتاماسىز ەتۋ ماقساتىندا وڭىردە كەزەككە قويۋ مەملەكەتىتك قىزمەتتەر تولىق اۆتوماتتاندىرىلعان. 

مەكتەپ تۇلەكتەرى اراسىندا مەملەكەتتىك ءبىلىم گرانتىن الۋشىلار سانى جوسپارلى تۇردە وسۋدە. 2019 جىلى №26 ەكىباستۇز مەكتەپ-گيمنازياسى وبلىستاعى مەملەكەتىتك ءبىلىم گرانتتارىنىڭ سانى بويىنشا كوشباسشى ورىنعا يە بولدى (33 گرانت). وڭىرىمىزدە "التىنب ەلگى" يەگەرلەرىنىڭ سانى وسۋدە. وتكەن جىلى ءوڭىر مەكتەپتەرىن 662 تۇلەك ءبىتىردى، ونىڭ 33-ءى "التىن بەلگى" يەگەرى. 

ءبولىم دارىندى بالالارمەن جۇمىس جاساۋدا بەلگىلى ءبىر تابىستارعا جەتتى. عىلىمي جارىستاردىڭ وبلىستىق كەزەڭىندە ەكىباستۇز وقۋشىلارى 22 جۇلدەلى ورىنعا يە بولدى، بۇل قاتىسۋشىلار سانىنىڭ 70% قۇرايدى.بەس شاعىن جيناقتى مەكتەپتەردە ءبىلىم ساپاسىن ارتتىرۋعا تىرەك مەكتەپتەردىڭ  (رەسۋرستىق ورتالىقتاردىڭ) اشىلۋى ىقپال ەتتى. №21 جوم جانە №22 مگ بازاسىندا ەكى رەسۋرستىق ورتالىق جۇمىس ىستەيدى، ولارعا ماگنيتتى اۋىل مەكتەپتەرى قوسىلعان. تىرەك مەكتەپتەردىڭ پەداگوگتارى سەسسيا كەزىندە قاجەت بولعان جاعدايدا بالالار ءۇشىن جەكە ساباقتار وتكىزەدى. بەكىتىلگەن مەكتەپتەردىڭ پەداگوگتارىنا ۇنەمى ادىستەمەلىك كومەك كورسەتىلەدى. 

2019 جىلى ءوڭىر مەكتەپتەرىنە 78 جاس مامان شاقىرىلدى. وڭىردە وقۋلىقتارمەن جانە وقۋ-ادىستەمەلىك قۇرالدارمەن قامتاماسىز ەتۋ كورسەتكىشى 100% قۇرايدى. كەڭ جولاقتى ينتەرنەتكە بارلىق مەكتەپتەر قوسىلعان. 

ءبىلىم ءبولىمى Teachersoffice" جوباسىن تابىستى جۇزەگە اسىرۋدا. بۇگىنگى كۇنى 28 مەكتەپتە مۇعالىمنىڭ جۇمىسىنا قولايلى جاعداي جاسالعان. "نۇر وتان" پارتياسىمەن بىرگە بالالاردى ەۋروپالىق ستاندارتتار بويىنشا باعدارلامالاۋ داعدىلارىنا ۇيرەتۋ بويىنشا 6 تەگىن IT-سىنىپتار ءاشىلدىۇ STEم-وقىتۋ ەنگىزىلۋدە. قازىرگى ۋاقىتتا 22 "رۋحاني جاڭعىرۋ" كابينەتى، 11 "دومبىرا" كابينەتى اشىلدى. 

ەكىباستۇز وڭىرىندە ينكليۋزيۆتى ءبىلىم بەرۋمەن 1300 بالا نەمەسە ەرەكشە ءبىلىم بەرۋ قاجەتتىلىگى بار بالالاردىڭ جالپى سانى 85% وقۋمەن قامتىلعان. 799 بالا جالپى ءبىلىم بەرەتىن مەكتەپتەردە وقيدى، 501 بالا مەكتەپكە دەيىنگى مەكەمەلەرگە بارادى. ەكىباستۇزدا اعىمداعى جىلى پسيحولوگيالىق-پەداگوگيكالىق تۇزەتۋ كابينەتىنىڭ اشىلۋىمەن ەرەكشە ءبىلىم بەرۋ قاجەتتىلىگى بار بالالارعا كەڭەس الۋ جانە تۇزەتۋ ماسەلەسى شەشىلدى. سويلەۋ كەمشىلىكتەرىنىڭ الدىن الۋ جانە تۇزەتۋ ءۇشىن 29 لوگوپەديالىق پۋنكت اشىلدى، وعان 782 بلا قاتىسادى (جالپى ورتا ءبىلىم بەرەتىن مەكتەپ - 14 407 وقۋشى، بالاباقشالاردا - 15 375 بالا قامتىلعان). 

ايماقتا ۇيىمداستىرىلعان دەمالۋ، ساۋىقتىرۋ جانە جۇمىسپەن قامتۋ 1-10 سىنىپ وقۋشىلارىنىڭ 17,9 مىڭنان استامى (2018 ج. - 17855) قامتىلعان جانە 100% قۇرايدى. ايماق بويىنشا ۇيىرمەلەر مەن سەكتسيالار جۇمىسپەن قامتۋدىڭ جالپى قامتىلۋ دەڭگەيى 100% قۇرايدى (وبلىستىق كورسەتكىش 98,4%). الەۋمەتتىك جەتىمدىك دەڭگەيىن تومەندەتۋ جانە جاسوسپىرىمدەر اراسىنداعى قۇقىق بۇزۋشىلىقتىڭ الدىن الۋ بويىنشا جۇيەلى جۇمىستار جۇرگىزىلۋدە. "جانۇيا" وتباسىلىق قارىم-قاتىناس كلۋبى اشىلدى، ايماقتىق ساۋاتتىلىق مەكتەپتەرى قۇقىقتىق ساۋاتتىلىق شارالارىن ۇيىمداستىردى، تولىق ەمەس وبلاسىلارمەن جۇمىس جاساۋ ءۇشىن اكەلەر كەڭەسى جۇمىس ىستەيدى. 

بۇل ءبىلىم ءبولىمىنىڭ سوڭعى جىلدارى قول جەتكىزگەن ناتيجەلەرىنىڭ كەيبىرەۋلەرى عانا. الايدا، اسلان شايقىۇلى قول قويعان «ەكىباستۇزدىڭ ءبىلىم سالاسىن وبلىس اكىمى ءوز باقىلاۋىنا السىن!» اتتى باعالاۋ باسىلىمىندا ءبولىم جۇمىسىنىڭ وبەكتيۆتى كورسەتكىشتەرىنىڭ ەشقايسىسى كورسەتىلمەگەن. 

مەن پورتال رەداكتورىنان كەلەسى سۇراقتارعا جاۋاپ بەرۋىن سۇرايمىن:

1. وسى ماتەريالدى جاريالاماس بۇرىن اقپاراتتىق دۇرىستىعىنا، مالىمەتتىڭ شىندىققا نەگىزدەلۋىنە تەكسەرىلدى مە؟

2. نەلىكتەن قازاقتىڭ ۇلى فيلوسوفى جانە ويشىلى ااي قۇنانبايۇلىنىڭ اتىمەن اتالعان اقپاراتتىق پورتال ەكىباستۇزدىڭ ءبىلىم ءبولىمى مەملەكەتتىك مەكەمەسىنىڭ قىزمەتى تۋرالى جالعان اقپارات تاراتۋعا مۇمكىندىك بەرەدى؟

«ەكىباستۇز قالاسى اكىمدىگىنىڭ ءبىلىم ءبولىمى» مەملەكەتتىك مەكەمەسىنىڭ باسشىسى ج.حامزاباەۆا.

رەداكتسيادان:

2020 جىلدىڭ 5 اقپانى كۇنى Abai.kz اقپاراتتىق پورتالىندا اسلان شايقىۇلىنىڭ «ەكىباستۇزدىڭ ءبىلىم سالاسىن وبلىس اكىمى ءوز باقىلاۋىنا السىن!» اتتى ماقالاسى جاريا بولدى. پورتالىمىزدىڭ ەلەكتروندى پوشتاسىنا كەلىپ تۇسكەن سول ماقالادا ەكىباستۇز قالاسىنداعى ءبىلىم سالاسىنا قاتىستى سىني كوزقاراستاعى پىكىرلەر مەن اقپاراتتار ايتىلعان.

بۇگىن رەداكتسيامىزعا «ەكىباستۇز قالاسى اكىمدىگىنىڭ ءبىلىم ءبولىمى» مەملەكەتتىك مەكەمەسىنىڭ باسشىسى ج.حامزاباەۆادان تەرىستەۋ تالابى كەلىپ ءتۇستى. وندا اسلان شايقىۇلىنىڭ ماقالاسىندا ايتىلعان اقپاراتتاردىڭ شىندىققا جاناسپايتىنى ايتىلعان.

«Abai.kz اقپاراتتىق پورتالىندا 2020 جىلدىڭ 5 اقپانىندا اسلان شايقىۇلىنىڭ اتىنان جاريالانعان «ەكىباستۇزدىڭ ءبىلىم سالاسىن وبلىس اكىمى ءوز باقىلاۋىنا السىن!» اتتى باسىلىمىندا اقيقاتقا جاناسپايتىن، سونداي-اق مەنىڭ ار-نامىسىم، قادىر-قاسيەتىم مەن ىسكەرلىك بەدەلىمە نۇقسان كەلتىرەتىن اقپاراتتى قر «بۇقارالىق اقپارات قۇرالدارى تۋرالى» زاڭىنىڭ 19-بابى، سونداي-اق، قر قك 130-بابىنا سايكەس تەرىسكە شىعارۋدى جانە تومەندەگى اقپاراتتى جاريالاۋىڭىزدى سۇرايمىن»، دەپ جازىلعان.

قر «بۇقارالىق اقپارات قۇرالدارى تۋرالى» زاڭىنىڭ 2-بابى، 1-تارماعىندا: «ءسوز، شىعارماشىلىق بوستاندىعىنا، ءوز كوزقاراستارى مەن سەنiمدەرiن باسپا ارقىلى جانە وزگە دە نىساندا بiلدiرۋگە، اقپاراتتاردى زاڭدا تىيىم سالىنباعان كەز كەلگەن ادiسپەن الۋعا جانە تاراتۋعا قازاقستان رەسپۋبليكاسىنىڭ كونستيتۋتسياسىندا كەپiلدiك بەرiلەدi. تسەنزۋراعا تىيىم سالىنادى»، دەپ جازىلعان.

اتالعان زاڭنىڭ 19-بابى، 1-تارماعىندا: «ازامات نەمەسە زاڭدى تۇلعا بۇقارالىق اقپارات قۇرالدارىنان وسى بۇقارالىق اقپارات قۇرالىندا تاراتىلعان، شىندىققا سايكەس كەلمەيتىن جانە ار-نامىسىنا، قادىر-قاسيەتىنە جانە ىسكەرلىك بەدەلىنە نۇقسان كەلتىرەتىن مالىمەتتەردى تەرىسكە شىعارۋدى تالاپ ەتۋگە قۇقىلى. مۇنداي قۇقىققا ازاماتتىڭ نەمەسە زاڭدى تۇلعانىڭ وكىلدەرى دە يە بولادى»، دەپ جازىلعان.

Abai.kz اقپاراتتىق پورتالى جوعارىدا كورسەتىلگەن زاڭ نورمالارىن باسشىلىققا الا وتىرىپ جانە «ەكىباستۇز قالاسى اكىمدىگىنىڭ ءبىلىم ءبولىمى» مەملەكەتتىك مەكەمەسىنىڭ باسشىسى ج.حامزاباەۆادان كەلىپ تۇسكەن تەرىستەۋ تالابى مەن وندا باياندالعان ناقتى اقپاراتتارعا سۇيەنە وتىرىپ، 2020 جىلدىڭ 5 اقپانى كۇنى Abai.kz اقپاراتتىق پورتالىندا اسلان شايقىۇلىنىڭ «ەكىباستۇزدىڭ ءبىلىم سالاسىن وبلىس اكىمى ءوز باقىلاۋىنا السىن!» اتتى ماقالاسىنداعى اقپاراتتاردى تەرىسكە شىعارادى جانە ەكىنشى تاراپتىڭ تەرىسكە شىعارۋ تالابىن جاريالايدى.

ەسكەرتۋ! تالاپ ەتۋشى تاراپتىڭ رەسمي حاتى قاز-قالپىندا جاريالاندى. ونداعى پۋنكتۋاتسيالىق جانە گرامماتيكالىق قاتەلەر تالاپ ەتۋشىنىڭ تۇپنۇسقاسىمەن بىردەي.

قوسىمشا: Abai.kz اقپاراتتىق پورتالى ەركىن اقپارات الاڭى. مۇندا وي جارىستىرىپ، پىكىر الماستىرۋعا اركىم قۇقىلى. سپيكەردىڭ پىكىرى رەداكتسيا ۇستانىمىن بىلدىرمەيدى. الداعى ۋاقىتتا ماقالادا ەسىم-سويلارى اتالعان جەكەلەگەن ازاماتتار رەداكتسيامىزعا جاۋاپ بەرۋگە نيەتتى بولسا، ولاردىڭ دا پىكىرىن بەرۋگە ءازىرمىز. 

Abai.kz

1 پىكىر