پرەزيدەنت قاسىم-جومارت توقاەۆتىڭ بۇيرىعىمەن قالمۇحانبەت قاسىموۆ مەملەكەتتىك كۇزەت قىزمەتىنىڭ باستىعى بولىپ تاعايىندالدى. وسىعان وراي ول پرەزيدەنت جارلىعىمەن پرەزيدەنت كەڭەسشىسى جانە قاۋىپسىزدىك كەڭەسىنىڭ حاتشىسى قىزمەتىنەن بوساتىلدى. بۇل تۋرالى اقوردانىڭ ءباسپاسوز قىزمەتى حابارلادى.

62 جاستاعى قاسىموۆ بىلتىر 12 اقپاندا پرەزيدەنت كەڭەسشىسى جانە قاۋىپسىزدىك كەڭەسىنىڭ حاتشىسى قىزمەتىنە تاعايىندالعان. وعان دەيىن 8 جىل ىشكى ىستەر مينيسترلىگىن باسقاردى.

ال بۇعان دەيىن مەملەكەتتىك كۇزەت قىزمەتىن باسقارعان ءانۋار سادىقۇلوۆ ۇلتتىق قاۋىپسىزدىك كوميتەتى توراعاسىنىڭ ورىنباسارى بولىپ تاعايىندالدى. سونىمەن قاتار، مەملەكەتتىك كۇزەت قىزمەتىنىڭ ورىنباسارى ءازىمحان ءجۇسىپوۆ تە قىزمەتىنەن بوساتىلدى.

Abai.kz