باس كەڭسەسى ۇلىبريتانيادا ورنالاسقان ۇيىمنىڭ مالىمەتىنە قاراعاندا، يدليب پروۆينتسياسىنداعى ماارەت ءال-نۋمان قالاسىنداعى بازاردى اتقىلاۋ كەزىندە 13 ادام قازا تاۋىپ، 18-ءى جاراقات العان. بۇدان بولەك اتالعان پروۆينتسيانىڭ وڭتۇستىك-شىعىس بولىگىندەگى ساراكەبي جانە ءال-سارمان قىستاقتارىندا دا ءبىر-بىردەن ادام مەرت بولعان.
ۇيىم باسشىسى رامي ابدەل راحمان رەسەيلىك ۇشاقتار يدليب قالاسىنىڭ كفار ساجنا قىستاعىنا دا سوققى بەرگەنىن مالىمدەدى.
رەسەي سيريادا جانجال باستالعاننان بەرى بۇل ولكەنىڭ پرەزيدەنتى باشار اسادقا قولداۋ كورسەتىپ كەلەدى. تۇركيامەن شەكتەسەتىن يدليب پروۆينتسياسىندا نەگىزىنەن سيريا وپپوزيتسياسىنىڭ كۇشتەرى توپتاسقان.
ورتادا رەسەيلىك قورعانىس مينيسترلىگى سيريانىڭ تۇركيامەن شەكتەسكەن ايماعىن كۇزەتىپ جۇرگەن اسكەري پوليتسيانىڭ ءۇش قىزمەتكەرى جاراقات العانىن مالىمدەدى.
رەسەي مەن تۇركيا كۇشتەرى پرەزيدەنتتەر ۆلاديمير پۋتين مەن رەجەپ ەردوعان قول قويعان كەلىسىم نەگىزىندە قاراشا ايىنان بەرى اتالعان ايماقتى بىرلەسىپ كۇزەتىپ كەلەدى.
Abai.kz
