ۇكك-ءنىڭ جاۋابىنا قاراعاندا، سيريا مەن يراكتان قازاقستانعا 277 ەرەسەك ادام (57 ەر ادام، 220 ايەل ادام) جانە 547 كامەلەت جاسقا تولماعان بالا قايتارىلعان. ونىڭ 44-ءى (34 ەر ادام، 10 ايەل ادام) "تەررور توپقا جانە شەتەلدەگى قارۋلى قاقتىعىسقا قاتىستى", "تەرروريزمدى ناسيحاتتادى جانە قارجىلاندىردى" دەگەن ايىپپەن 1 جىلدان 11 جىلعا دەيىن بوستاندىقتارىنان ايىرىلعان.

سونىمەن قاتار، تاعى دا 35 ادام (23 ەر ادام، 12 ايەل) تەرگەلگەن، ونىڭ ەكەۋىنىڭ جاسى كامەلەتكە تولماعان. سيريا مەن يراك اۋماعىنداعى جانجال وشاقتارىنان ورالعان 198 ايەل مەن 545 بالا قازاقستاننىڭ بەيىمدەۋ، وڭالتۋ ورتالىقتارىندا بولعان.

2019 جىلدىڭ قاڭتارىنان باستاپ، قازاقستان بىرنەشە رەت ارنايى "جۋسان" وپەراتسياسى ارقىلى سيريا مەن يراك اۋماعىنان ازاماتتارىن قايتارىپ الا باستاعانبولاتىن.

Abai.kz