مينيسترلىك بۇل كەمەلەر شەكارانى زاڭسىز كەسۋگە قاتىستى قىلمىستىق ىستە زاتتاي ايعاق بولعانىن مالىمدەدى. كەمەلەر قاجەتتى تەرگەۋ امالدارى اياقتالعان سوڭ قايتارىلعان.
بۇنىڭ الدىندا ۋكراينا پرەزيدەنتىنىڭ كومەكشىسى اندرەي ەرماك كەمەلەردى ەلگە قايتارۋ جۇمىسى اياقتالعانىن حابارلاعان. كەمەلەردەگى قارۋ-جاراق رەسەيدە قالادى.
2018 جىلى 25 قازاندا رەسەي شەكاراشىلارى كەرچ بۇعازى ارقىلى ازوۆ تەڭىزىنە وتكىسى كەلگەن ۋكراين كەمەلەرىن ۇستادى. ونداعى 24 تەڭىزشى قاماۋعا الىندى. كيەۆ رەسەيدىڭ بۇل ارەكەتىن "شابۋىل ارەكەتى" دەپ باعالادى. ۋكراينا ۇستانىمىن اقش، ناتو، بۇۇ جانە ەۋرووداق قولدادى. رەسەي ۇستالعانداردى شەكارا بۇزدى دەپ ايىپتادى. ولار التى جىلعا تۇرمەگە قامالۋى مۇمكىن ەدى.
بيىل قىركۇيەك ايىندا تەڭىزشىلەر ۋكرايناعا ورالدى. كيەۆ پەن ماسكەۋ سول كەزدە تۇتقىن الماسقان.
Abai.kz
