سەيسەنبى, 12 قاراشا 2019
414 1 پىكىر 8 قاراشا, 2019 ساعات 10:52

قازاق شەنەۋنىكتەرىنە قايتادان سمارتفون قولدانۋعا رۇقسات بەرىلەدى

قازاقستاندا تاياۋ كۇندەرى مەملەكەتتىك قىزمەتكەرلەرگە جۇمىس ورنىندا سمارتفون قولدانۋعا قايتادان رۇقسات بەرىلەدى. بۇل تۋرالى تسيفرلىق دامۋ، يننوۆاتسيالار جانە اەروعارىش ونەركاسىبى ءمينيسترىنىڭ ورىنباسارى ابلايحان وسپانوۆ مالىمدەدى.

"ماعان جەتكەن مالىمەتكە قاراعاندا، ءتيىستى جارلىق ۇكىمەتكە ءتۇسىپ، بارلىق مەملەكەتتىك ورگاندار ونى ماقۇلداعان. جاقىندا بۇل ۇكىمەت جيىنىندا قارالادى. ماسەلە مەملەكەتتىك قىزمەتكەرلەرگە شەكتەۋسىز سمارتفون قولدانۋ مۇمكىندىگىن قايتارىپ بەرۋ جونىندە بولادى. بۇل مەملەكەت باسشىسىنىڭ تاپسىرماسى", - دەدى وسپانوۆ.

قازاقستاندا مەملەكەتتىك قىزمەتكەرلەرگە جۇمىس ورنىندا سمارتفون قولدانۋعا 2016 جىلى تىيىم سالىنعان. ونى سول كەزدە قۇپيا مالىمەتتەر جاريالانىپ كەتكەن جاعدايلار كوبەيىپ كەتكەنىمەن تۇسىندىرگەن.

Abai.kz

1 پىكىر