Esterinizde bolsa, biyl qantardyng 5-i kýni әlemge әigili McDonald's kompaniyasy Qazaqstandaghy qyzmetin toqtatatynyn habarlaghan edi.

«Food Solutions KZ» JShS basqaratyn McDonald's jyldam tamaqtanu brendi óz júmysyn toqtatudyng basty sebebi – «et jetkizudegi shekteuler» dep týsindirgen. Qazaqstanda McDonald's-tyng 24 meyramhanasy bolghan. Onda úzyn-sany 2000-gha juyq adam júmys istegen. Keyin, McDonald's-tyng Qazaqstandaghy ókildigining baspasóz qyzmeti: «Juyrda jana ataumen qayta ashylamyz», - degen mәlimdegen.

Al býgin McDonald's-tyng ornyna Reseylik brend kelip jayghasqaly jatqany turaly aqparat tarady. Qazir elimizde «Vkusno - y tochka» tauar belgisin tirkeu ótinishi qaralyp jatyr eken. Múny QR Ádilet ministrligining baspasóz qyzmeti de rastady.

«Qazaqstan Respublikasynyng tauar belgilerining memlekettik tiziliminde «Vkusno - y tochka» degen tauar belgisi tirkelmegen. Alayda, saraptamalyq úiymnyng qarauynda «Sistema PBO» jauapkershiligi shekteuli qoghamdyghy atynan týsken «Vkusno - y tochka» tauar belgisin tirkeuge qatysty ótinim bar», - dep habarlady atalghan vedomstvo.

«Vkusno - y tochka» tauar belgisi Reseyde McDonald's jelisi jabylghannan keyin ashylghan fast-fud meyramhanalar jelisi. Alghash meyramhana byltyr 12 mausymda ashyldy.

Sóitip, McDonald’s Qazaqstannan ketti. Búl aqparatqa key adamdar «ketse kete bersin, paydasynan ziyany kóp», «óz últtyq taghamymyzdy damytamyz», «burger ketkennen býiregimiz týsip qalmas» degendey pikir bildirude. Alayda rasymen solay ma? Quanarlyq jayt pa?

McDonald’s jay ghana jyldam tamaqtanu jelisi deuge kelmes, búl jahandanudyng (globalizasiya) nyshanyna ainalghaly qashan. Tipti әleumettik ghylymda makdonalidizasiya termiyni de bar.

Elimizdegi jelileri halyqqa júmys, biylikke salyq berip túrghanynan bólek, negizinen ol memleketting әlemdik qauymdastyqpen qatynasyn da kórsetetin bir ólshem ispettes. Europalyq turisterding barghan elin osy bir әigili fastfud patshasynyng bar-joghymen ólsheytin әdetteri bar.

Aytpaqshy bir qyzyq faktini aita keteyik. Kenes-Aughan soghysy jayly... 1979 jyly KSRO Aughanstangha basyp kirip, artynsha Batys KSRO-gha sanksiyany ýdetip, 80-jylghy olimpiadagha boykot jariyalaghanyn bilesizder. Mine, sol olimpiadanyng aldynda 4-5 jyl búryn KSRO McDonald’s-ty kirgizu ýshin batyspen (AQSh-pen) jantalasa beyresmy kelisim jýrgizedi. Óitkeni olimpiadagha keletin Europalyqtar McDonald’s arqyly «KSRO damyghan eken» degen bagha bersin dep oilaghan edi.

Biraq Mәskeu Aughangha kirdi, McDonald’s aidalada qaldy. Alghashqy meyramhanasy KSRO-da 1990 jyly ashyldy. «Irigen-shirigen Batysty» kýni-týni jamandaytyn KSRO halqy sol meyramhanadan burger jeuge kýni-týni kezekte túrdy. Búl jabyq qoghamgha jahandanudyng esigi ashylghanday sәt edi. Al biyl Kremli bauyry Ukrainagha soghys ashyp, Reseyde 850 meyramhanasy jabyldy. Búl kerisinshe órkeniyetti әlem Mәskeu ýshin esigin tars japqanday әreket edi. Keyin ol meyramhanalar atyn ózgertip, reseylik servispen (dengeyi belgili) qayta ashyldy, biraq ol endi әlem bilgen McDonald’s emes edi.

McDonald’s-tyng bizdegi jabyluynda qanday sipat jatqanyn bilmedik. Mýmkin qamaudaghy Boranbaevtyng kәsibi, mýmkin rasymen et jetkizudegi qiyndyq, mýmkin basqa.

Abai.kz