Sottar men tribunaldardan habar taratatyn úlybritaniyalyq Court News UK agenttigi 4 shildede Londondaghy Sautork sotynda Aysúltan Nazarbaev isi boyynsha aldyn ala tyndau ótkenin habarlady. Otyrysta Aysúltan Nazarbaev «ózin suisidten qútqaryp qalghan poliyseydi tistegenin» joqqa shyghardy. Sayttyng jazuynsha, Nazarbaevqa «poliyseydi jaraqattady jәne jekening mýlkin býldirdi» degen aiyp taghylghan.
Agenttikting habarlauynsha, sudiya Filip Bartl Aysúltan Nazarbaevty kepilmen bosatyp, qaladaghy esirtkige tәueldiler emdeletin Priory Group auruhanasyna jibergen.
Court News UK sayty Nazarbaev isi boyynsha negizgi sot «keler jyly 20 nauryzda bastalatynyn» mәlimdedi. Court News UK agenttigining dereginshe, Aysúltan Nazarbaev osy uaqytqa deyin Londonnyng ontýstik-batysyndaghy Uandsvort týrmesinde otyrghan.
Sayttyng habarlauynsha, «Nazarbaev 5 mausymda poliysey Ross Sembrukke shabuyl jasaghan. Osy oqighadan eki kýn búryn Nazarbaev International Park Plaza Hotel qonaqýiinde ózi túryp jatqan nómerding terezesine shyghyp alyp, sekirmek bolghan. Osydan keyin qonaq ýige poliyseyler kelgen».
Agenttikting jazuynsha, 26 mausymdaghy sot aldyndaghy tyndauda prokuror Gregor MakKinly Aysúltan Nazarbaev Londondaghy Tavistok kóshesindegi pәterde poliyseylermen janjaldasyp qalghanyn, sol kezde bir ofiyserdi tistep alghanyn aitqan.
4 shildede reseylik "RosBiznesKonsalting" (RBK) agenttigi úlybritaniyalyq basylymdargha silteme jasap, Londondaghy pәterlerding birinde Aysúltan Nazarbaev esimdi adam óz-ózine qol júmsamaq bolghanyn jazdy. RBK taratqan aqparat boyynsha, Nazarbaev ózine kómektespek bolghan poliyseydi tistep alghan.
Reseylik sayt «óz-ózine qol salmaq bolghan» adam Qazaqstandy 30 jyl basqarghan Núrsúltan Nazarbaevtyng jiyeni, Núrsúltan Nazarbaevtyng qyzy Darigha Nazarbaevanyng úly ekenin jazghan.
Abai.kz
