جۇما, 29 ناۋرىز 2024
2769 11 پىكىر 5 شىلدە, 2019 ساعات 10:51

Court News UK: سوت ايسۇلتان نازارباەۆتى كەپىلمەن بوساتىپ، اۋرۋحاناعا جىبەردى

سوتتار مەن تريبۋنالداردان حابار تاراتاتىن ۇلىبريتانيالىق Court News UK اگەنتتىگى 4 شىلدەدە لوندونداعى ساۋتورك سوتىندا ايسۇلتان نازارباەۆ ءىسى بويىنشا الدىن الا تىڭداۋ وتكەنىن حابارلادى.

سوتتار مەن تريبۋنالداردان حابار تاراتاتىن ۇلىبريتانيالىق Court News UK اگەنتتىگى 4 شىلدەدە لوندونداعى ساۋتورك سوتىندا ايسۇلتان نازارباەۆ ءىسى بويىنشا الدىن الا تىڭداۋ وتكەنىن حابارلادى. وتىرىستا ايسۇلتان نازارباەۆ «ءوزىن سۋيتسيدتەن قۇتقارىپ قالعان پوليتسەيدى تىستەگەنىن» جوققا شىعاردى. سايتتىڭ جازۋىنشا، نازارباەۆقا «پوليتسەيدى جاراقاتتادى جانە جەكەنىڭ مۇلكىن ءبۇلدىردى» دەگەن ايىپ تاعىلعان.

اگەنتتىكتىڭ حابارلاۋىنشا، سۋديا فيليپ بارتل ايسۇلتان نازارباەۆتى كەپىلمەن بوساتىپ، قالاداعى ەسىرتكىگە تاۋەلدىلەر ەمدەلەتىن Priory Group اۋرۋحاناسىنا جىبەرگەن.

Court News UK سايتى نازارباەۆ ءىسى بويىنشا نەگىزگى سوت «كەلەر جىلى 20 ناۋرىزدا باستالاتىنىن» مالىمدەدى. Court News UK اگەنتتىگىنىڭ دەرەگىنشە، ايسۇلتان نازارباەۆ وسى ۋاقىتقا دەيىن لوندوننىڭ وڭتۇستىك-باتىسىنداعى ۋاندسۆورت تۇرمەسىندە وتىرعان.

سايتتىڭ حابارلاۋىنشا، «نازارباەۆ 5 ماۋسىمدا پوليتسەي روسس سەمبرۋككە شابۋىل جاساعان. وسى وقيعادان ەكى كۇن بۇرىن نازارباەۆ International Park Plaza Hotel قوناقۇيىندە ءوزى تۇرىپ جاتقان نومەردىڭ تەرەزەسىنە شىعىپ الىپ، سەكىرمەك بولعان. وسىدان كەيىن قوناق ۇيگە پوليتسەيلەر كەلگەن».

اگەنتتىكتىڭ جازۋىنشا، 26 ماۋسىمداعى سوت الدىنداعى تىڭداۋدا پروكۋرور گرەگور ماككينلي ايسۇلتان نازارباەۆ لوندونداعى تاۆيستوك كوشەسىندەگى پاتەردە پوليتسەيلەرمەن جانجالداسىپ قالعانىن، سول كەزدە ءبىر وفيتسەردى تىستەپ العانىن ايتقان.

4 شىلدەدە رەسەيلىك "روسبيزنەسكونسالتينگ" (ربك) اگەنتتىگى ۇلىبريتانيالىق باسىلىمدارعا سىلتەمە جاساپ، لوندونداعى پاتەرلەردىڭ بىرىندە ايسۇلتان نازارباەۆ ەسىمدى ادام ءوز-وزىنە قول جۇمساماق بولعانىن جازدى. ربك تاراتقان اقپارات بويىنشا، نازارباەۆ وزىنە كومەكتەسپەك بولعان پوليتسەيدى تىستەپ العان.

رەسەيلىك سايت «ءوز-وزىنە قول سالماق بولعان» ادام قازاقستاندى 30 جىل باسقارعان نۇرسۇلتان نازارباەۆتىڭ جيەنى، نۇرسۇلتان نازارباەۆتىڭ قىزى داريعا نازارباەۆانىڭ ۇلى ەكەنىن جازعان.

Abai.kz

11 پىكىر

ۇزدىك ماتەريالدار

العىس ايتۋ كۇنى

العىس ايتۋ كۇنى جانە ونىڭ شىعۋ تاريحى

جومارتبەك نۇرمان 1567
الاشوردا

قوجانوۆ مەجەلەۋ ناۋقانىندا (جالعاسى)

بەيبىت قويشىباەۆ 2260
عيبىرات

قايسار رۋحتى عازيز جان

مۇحتار قۇل-مۇحاممەد 3541