Putin 29-aqpanda Federaldy keneske joldau arnap, aldaghy jyldary iske asyratyn jobalar men baghdarlamalaryn tanystyrdy, dep jazady Mezgil.kz portaly.

Nauryzdaghy saylaudan keyin Resey basshysy atalmysh baghdarlamalardy iske asyra bastamaq. Reuters basylymy Putin uәde etken baghdarlamalargha qansha qarajat ketetinin eseptep shyqty.

29-aqpandaghy joldauynda Putin kedeylikti azaytatynyn, halyqtyng ómir sýru jasyn úlghaytu baghdarlamalaryn iske asyratynyn, әleumettik jaghdaydy jaqsartatynyn aitty. Ol otbasy qúndylyqtaryna, demografiyagha qatysty jobalar úsyndy. Ekonomikany әrtaraptandyru jayly sóz qozghap, shiykizatqa baylanbaghan ekonomika qalyptastyru boyynsha úsynysyn keltirdi.

Astra Asset Management kompaniyasynyng investisiya boyynsha diyrektory  Dmitriy Polevoydyng oiynsha búl bastamalardy iske asyru ýshin budjetten jyl sayyn 2 trln rubli qarjy bólinui qajet. Al Rosbank sarapshylary 6 jylgha kemi 15 trln rubli qajet degen boljamyn aituda.

Putinning baghdarlamalarynyng ishindegi eng kóp qarjyny qajet etetini infraqúrylymdy jaqsartugha qatysty úsynysy, onyng qúny kemi 4,5 trln rubli bolmaq.

Otbasylyq ipotekany úzartu úsynysyn iske asyrugha 1,5 trln rubli qarajat ketedi. Atalmysh baghdarlama arqyly Resey biyligi bala tuu kórsetkishin arttyrudy oilastyruda. Putinning auruhanalar salu jәne olardy jabdyqtau turaly uәdesin iske asyrugha 1 trillion rubli qarajat qajet. Al mektepter men balabaqshalardy modernizasiyalau jobasy 400 milliard rublidi qúraydy. Sayabaqtar men qoghamdyq oryndargha 360 milliard, әuejaylargha 250 milliard, qoghamdyq kólikti janartugha 150 milliard rubli investisiya salugha tura keledi.

Putinning aituynsha, memleket ekonomikanyng negizgi salalarynda «sifrlyq platformalardy» qúrugha 700 milliard rubli júmsaydy. Sonymen birge 300 milliard rubli hi-tech jobalardy damytu qoryna qúiylady, al 116 milliardty sputnikter men internet jelilerin jaqsartugha salmaq. Aymaqtardyng qaryzyn keshiruge qosymsha 200 mlrd rubli ketedi.

2018 jyly Putin saylaugha týsken sәtte 28 rln rubli bolatyn baghdarlamalar jayly aitqan bolatyn. Atalmysh jobalardy iske asyru ýshin Resey biyligi tipti QQS-ny 18%-dan 20%-gha kótergen edi. Alayda ol jobalardyng basym kópshiligi iske aspady. Sarapshylar Putinning Federaldy keneske úsynghan joldauy 2018 jyly iske aspaghan bastamalary ekenin angharu qiyn emes deydi. Putinning búl jolghy baghdarlamalary 2018 jylghy baghdarlamalarynan әldeqayda az qarajatty qajet etedi.

Abai.kz