Ekvardorda jergilikti qylmys tobynyng liyderining týrmeden qashyp ketui sebebinen elde qaqtyghysys payda bolyp, ondaghan adam qaza tapty. Qaza bolghandar arasynda poliyseyler de bar. Búl turaly Ekvardor preziydenti Danieli Noboa mәlimdedi.

Elde dýrbeleng oryn alyp, biylik býlikti әsker kýshimen basudy qolgha aldy. El aumaghynda Tótenshe jaghday jariyalandy.

Elding qaruly kýshterining qolbasshysy Hayme Vela búiryqta kórsetilgen әr terrorlyq toptyng әskeriylerding nysanynda ekendigin, sonday-aq Ekvador astanasy Kitoda tankiler qoyylghanyn mәlimdedi. Noboa óz búiryghynda býlikke jauapty 21 topty kórsetip, olardyng kózin jongdy tapsyrghan.

Al polisiya qazirgi tanda tәrtipsizdikke qatysqan 20 shaqty adamdy ústaghan.

9 qantar kýni betperde jamylghan birneshe top adam Guayakili qalasyndaghy «TC Televisión» telearnasynyng kensesine qarumen basyp kirip, birneshe jurnalisti kepilge alghan. Jaghday 15 minut boyy tikeley efirde taratylyp, kadrda tipten atys dauysy da estilgen.

Artynsha elding arnayy qyzmeti telearnany qorshghaugha alyp, shabuyldaushylardy ústaghan. «Associated Press» agenttigining jazuynsha, olardan qarular men jarylghysh zattar tәrkilegen.

Búghan deyin de atalmysh qaruly top Guayakili qalasyndaghy polisiya bólimshelerine, mektepter men uniyversiytetterge shabuyldap, poliyseyler men týrme qyzmetkerlerin úryp jatqan viydeolardy da taratqan.

Artynsha terrorlyq dep tanylghan «Los Choneros» bandittik tobynyng liyderi Adolifo Masiyas Viliyamar týrmeden qashyp ketken. Eldegi tótenshe jaghdaygha baylanysty el preziydenti Noboa komendanttyq saghat engizdi.

Qazirgi uaqytta Ekvadorda Qazaqstannyng jeti azamaty konsuldyq esepte túr. Olardyng barlyghy aman-esen. Qazaqstan Syrtqy ister ministrligi: «Ekvadordaghy tәrtipsizdikten zardap shekkender joq», - dep mәlimdedi.

«Olardan basqa, búl elge turister retinde kelgen ýsh adamnan túratyn otbasy bar. Konsul әrqaysysyna qonyrau shalyp, qauipsizdik sharalary turaly núsqau berdi jәne olarmen ýnemi baylanysta boldy. QR azamattarynyng eshqaysysy zardap shekken joq», - dedi Qazaqstan Syrtqy ister ministrligining resmy ókili Aybek Smadiyarov.

Darigha Erjanqyzy

Abai.kz