«Estimegen elde kóp, esek mingen sartta kóp» degendeyin partiyalargha senim artqan saylaushylardy selt etkizgen oqigha Mәjilis qabyrghasynan shyqty.

Naqtylap aitar bolsaq, bizde auzyndy anqityp, qos azamattyqpen deputattyq mandatty qaltagha basatyn pysyqaylar da bar eken.

Endi mәselening anyq-qanyghyn sóz etetin bolsaq, senat spiykeri Mәulen Áshimbaev jerden jeti qoyan tapqanday: «2022 jyly qos azamattyqtyng 841 faktisi anyqtaldy. Al, biylghy jyly, yaghni, qantar men qazan aralyghynda 525 túlghanyng qos azamattyghy barlyghy belgili boldy. Qosar azamattyghy barlardyng arasynda jergilikti organdardyng deputaty bolghandyghy jaytary da kezdesip qalady», - dep dýnk etkizdi.

Beysenbi kýngi senattaghy «Qazaqstan Respublikasynyng Ýkimeti men Qytay Halyq Respublikasynyng Ýkimeti arasyndaghy Taraptar memleketterining azamattaryna qatysty aqparat almasu turaly kelisimdi ratifikasiyalau turaly» Zannyng jobasyn talqylaudy qorytyndylaghan Áshimbaev óz oiyn: «Biz osy kelisim de, qalghan qol qoyylghandary da Qazaqstan Konstitusiyasynyng oryndaluyna qyzymet etedi degenge kәmil senemiz», - dep týiindedi.

Osylaysha Senat qosar jәne ekinshi azamattyqqa qyrghiday shýiligip, buyrqanyp bir alghan son, «Qazaqstan Respublikasynyng Ýkimeti men Qytay Halyq Respublikasynyng Ýkimeti arasyndaghy Taraptar memleketterining azamattaryna qatysty aqparat almasu turaly kelisimdi ratifikasiyalau turaly» Zannyng qabyldanuyn qúptady.

Abai.kz