Últtyq qauipsizdik komiytetining búrynghy basshysy Kәrim Mәsimov terrorizm men ekstremizmdi qarjylandyrushy adamdardyng qataryna kirdi.

Qarjy monitoringi agenttigi jasaytyn «terrorizm men ekstremizmdi qarjylandyratyn úiymdar men túlghalardyng tizbesine» ol 1 shildede engizilgen.

Tizimde Mәsimovten basqa, onyng búrynghy orynbasarlary Ánuar Sadyqúlov pen Dәulet Erghojin de bar.

Atalghan ýsheu biylghy sәuirde 2022 jylghy qantar oqighalaryna baylanysty úzaq merzimge sottalghan. Mәsimov «Memleketke opasyzdyq jasau», «biylikti kýshpen basyp alu», «biylik pen lauazymdyq ókilettikterdi asyra paydalanu» baptary boyynsha 18 jylgha bas bostandyghynan aiyryldy. Al onyng orynbasarlaryna 3, 15 jәne 16 jylgha bas bostandyghynan aiyru jazasy taghayyndaldy. A. Sadyqúlov 16 jylgha, Erghojin D. 15 jylgha, taghy bir orynbasary Osipov M. 3 jylgha sottaldy.

16 mausymda qylmystyq ister jónindegi apellyasiyalyq satydaghy sot qylmystyq isti «óte qúpiya» degen belgimen qayta qarady jәne Mәsimovti, Sadyrqúlovty jәne Erghojindy qauipsizdigi joghary mekemeden qauipsizdigi ortasha mekemede jazasyn óteuge auystyrdy.

2023 jylghy qantarda Qazaqstannyng Bas prokurory Berik Asylov «Mәsimov - qantar oqighasynyng bas úiymdastyrushysy» dep mәlimdedi.

Eks-preziydent Núrsúltan Nazarbaevtyng kóp jyldar boyghy serigi, 56 jastaghy Kәrim Mәsimov 2016 jyldyng qyrkýieginde ÚQK tóraghasy qyzmetine taghayyndaldy. Ol búghan deyin Ýkimet basshysy qyzmetin atqarghan. Ol eki ret premier-ministr qyzmetin atqarghan: birinshisi – 2007-2012 jyldar aralyghynda, ekinshi ret 2014 jyldan ÚQK basshysy bolyp taghayyndalghangha deyingi uaqytta.

2022 jylghy Qazaqstandaghy jappay narazylyqtardan keyin qyzmetinen bosatylyp, artynsha ústaldy.

Abai.kz