Keshe Qazaqstan preziydenti Qasym-Jomart Toqaev sot jýiesi men sudiyalardyng mәrtebesi turaly zangha ózgertuler men týzetuler engizu turaly zangha qol qoyghany belgili.

Qoldanystaghy zandy ózgertu turaly bastama deputattar tarabynan kóterilgen. Zang jobasynyng avtorlary jasalatyn jana ózgerister sot qateligin azaytyp, sot ýkimderining sapasyn arttyrady dep esepteydi. Apellyasiyalyq instansiya qylmystyq jәne azamattyq isterdi birinshi instansiyagha qaytarmay, olardy ózi týzete alady. Biz sot jýiesi men sudiyalardyng mәrtebesi turaly zangha engizilgen ózgeristerding naqty roly turaly Qazaqstan zangerler odaghy Almaty filalynyng bastyghy, «Ádildik joly» qoghamdyq úiymynyng jetekshisi Bauyrjan Maqúlbaev myrzanyng pikirin bildik.

Bauyrjan Maqúlbaev:

- Sot jýiesi men sudiyalardyng mәrtebesi turaly zangha engizilip otyrghan ózgertuler men tolyqtyrular, jalpy sudiyalardyng tәuelsizdigin nyghaytugha baghyttalghan dep esepteymiz, óitkeni atalghan zan, sottardyng júmysyn jaqsartyp, sudiyalardyng naqty tәuelsizdigin odan әri arttyrady.

Atap aitqanda, zang jobasyna, audandyq sot tóraghalaryn saylau arqyly taghayyndaudy kózdeytin normalar engizilip otyr. Atalghan saylanbaly jýieni engizu, jaghdaydy týzeuge septigin tiygizedi jәne ol boyynsha sudiyalardyng ózderi tóraghalyq lauazymgha óz qoghamy arasynan kandidatty úsyna alady. Búl rette, aiqyndyq pen ashyqtyq qamtamasyz etiledi.

Memleket basshysy tarapynan 2021 jyly 1 qyrkýiekte «Halyq birligi jәne jýieli reformalar – el órkendeuining berik negizi» atty jana Joldauy jariya etilgen bolatyn.

Sol sebepti, biylik tarapynan zang ayasyndaghy jasalynyp jatqan reformalardy ary qaray zannamalardy jetildiru maqsatynda jalghastyru kerek dep oilaymyn, óitkeni ol aghymdaghy zamanymyzdyng talaby. Búl óz kezeginde, Qazaqstannyng odan әri demokratiyalyq damuyna sebepshi bolmaq.

Alayda, biylik tarapynan jasalyp jatqan sayasy reformalar halyqtyng kónilinen tolyqtay shyghady dep aita almaymyn, óitkeni engizip jatqan ózgertuler men tolyqtyrular, sot jýiesindegi bolyp jatqan sybaylas jemqorlyqtyng tәuekelderi men sot ókilderi tarapynan zansyz sot sheshimderin shygharugha әkelip soqtyrghan is-әreketterding aldyn alady dep tolyq senimmen aita almaymyz.

Abai.kz