Qazaqstan ýkimeti búrynghy britandyq sayasatker, jazushy Djonatan Aytkenge Núrsúltan Nazarbaev Respublika Preziydenti bolyp túrghan kezde ol turaly kitap jazu ýshin 166 myng funt sterling tóledi, dep jazady halyqaralyq jobagha qatysushy Guardian gazeti.

Búghan deyin Djordj Soros qorlarynyng biri qarjylandyrghan jurnalist-zertteushilerding halyqaralyq konsorsiumy (ICIJ) birqatar әlemdik kóshbasshylardyng offshorlyq shemalargha qatysuy turaly «Pandora qújattaryn» jariyalaghan edi. Onda 35-ten astam qazirgi jәne búrynghy sayasatker, sonday-aq 100-ge juyq elding 300-den astam sheneunigi bar. Jurnalister konsorsiumynyng jýrgizgen zertteuleri AQSh-ty eng ýlken salyqtyq baspana dep atady.

Aytken – Úlybritaniya Parlamenti men Ministrler Kabiynetining búrynghy mýshesi. Onyng sayasy mansaby 1996 jyly Parijdegi Ritz Hotel qonaqýiinde túrghan aqysyn kim tólegeni turaly sotta ótirik aitqan kezde kýrt ayaqtaldy (rasynda búl Saud Arabiyasy korolining úly bolatyn). Múny jariyalaghany ýshin Aytken Guardian gazetin sotqa berdi, biraq jalghan kuәgerligi sebepti týrmege qamaldy. Osyghan qaramastan, Aytken yqpaldy qogham qayratkeri bolyp qala beredi. Ýlken sayasattan ketkennen keyin ol әlemdik tarihtaghy әigili túlghalardyng ómirbayanyn zerttey bastady.

«2010 jyldyng sәuirinde Djonatan Aytken Vashingtongha ózining jana kitabynyng – Qazaqstan Preziydenti Núrsúltan Nazarbaevtyng maqtauly ómirbayanynyng túsaukeserine úshyp bardy... Alayda ol óz sózinde bir manyzdy mәseleni – Qazaqstan ýkimetine júmys istegen PR-kompaniyanyng jasyryn týrde kitapqa tapsyrys berip, aqysyn tólegenin aitudy úmytyp ketti. «Pandora qújattary» boyynsha Aytken ózining әdeby shygharmalary ýshin 166 myng funt aldy», - dep jazady gazet.

Zertteu avtorlary Gonkongta ornalasqan әri Panamada tirkelgen World PR kompaniyasy Gonkong jәne Britandyq Virgin araldary arqyly Aytkenning Aitken Consultancy & Research Services Limited kompaniyasyna aqsha audarghan dep mәlimdeydi. «Pandora qújattarynyn» derekterine sýiensek, kompaniya Aytkenning kitaptyng túsaukeserine barghan Vashington saparyna aqy tólegen. Onda sayasatker Aq ýige jaqyn jerdegi Capital Hilton qonaq ýiine ayaldaghan.

Búghan deyin Aytken Qazaqstan ýkimetinen kitap jazghany ýshin aqsha almaghanyn mәlimdegen bolatyn.

Nazerke Altayqyzy

Abai.kz