AQSh Memlekettik departamenti King Air barlau úshaqtaryn Qazaqstangha 128 million dollargha satugha rúqsat berdi. Búl turaly AQSh-tyng qorghanys salasyndaghy yntymaqtastyq jәne qauipsizdik agenttigi habarlady.

«Memlekettik departament Qazaqstan ýkimetine barlau jәne qadaghalau (ISR) jýielerimen jәne soghan qatysty jabdyqtarmen King Air B300ER Scorpion úshaghyn smetalyq qúny 128,1 million dollargha satudy maqúldau turaly sheshim qabyldady. Qorghanys yntymaqtastyghy jәne qauipsizdik agenttigi keshe Kongressti yqtimal satu turaly habardar ete otyryp, qajetti sertifikat berdi»,- delingen amerikalyq biylikting habarlamasynda.

Osylaysha, Qazaqstan ýkimeti Raytheon AST TITAN Communications Intelligence (COMINT) sensorlarynyng ýsh jiyntyghyn satudy súrady (ekeui ornatylghan, bireui qosalqy).

«Úsynylghan satylym Ortalyq Aziyadaghy sayasy túraqtylyq pen ekonomikalyq progressting qozghaushy kýshi bolyp tabylatyn seriktes elding qauipsizdigin arttyru arqyly AQSh-tyng syrtqy sayasaty men últtyq qauipsizdik maqsattaryn qoldaydy.

Úsynylyp otyrghan satu Qazaqstannyng aimaqtyq qauip-qaterlerge tosqauyl qoi jәne shekara qauipsizdigi operasiyalaryn jýrgizu qabiletin arttyru arqyly qazirgi jәne bolashaqtaghy qauip-qaterlerge tótep beru qabiletin arttyrady.

Qazaqstan búl qúral-jabdyqtar men qyzmetterdi ózining qaruly kýshterine qabyldauda qiynshylyq kórmeydi. Úsynylghan osy jabdyqty satu jәne qoldau aimaqtaghy negizgi әskery tengerimdi ózgertpeydi», - dep qosty AQSh agenttigi.

Ayta keteyik, King Air barlau úshaqtarynyng bas merdigeri -  Sierra Nevada Corporation kompaniyasy.

Abai.kz