Senat deputattary «Ákimshilik-aumaqtyq qúrylysy turaly» zangha ózgerister men tolyqtyrular engizudi kózdeytin zang jobasyy qabyldady. Sonyng ayasynda preziydentke qosymsha ókilettilik beru qarastyrylghan, dep habarlaydy Sputnik Qazaqstan.

Salalyq komiytetting ókilderi әkimshilik-aumaqtyq qúrylysy salasyndaghy zannamasyn jetildiru zang jobasynyng negizgi maqsaty erekshe atap ótti. Osyghan baylanysty birqatar týzetuler engizilip otyr.

Olar:

qaladaghy audandardy eldi mekenderding qúramdyq bólikterine jatqyzu;

oblystyq manyzy bar qaladaghy, respublikalyq manyzy bar qaladaghy, astanadaghy halyq sany 400 myng adamnan astam bolghan kezde, olarda audan qúru;

audandyq manyzy bar qalanyn, kentting jәne auyldyng ólshemsharttaryn naqtylau;

Preziydentke ýkimetting úsynuy boyynsha jәne jergilikti ókildi jәne atqarushy organdardyng pikirin eskere otyryp, respublikalyq, oblystyq jәne audandyq manyzy bar qalalardy ózge eldi mekender etip qayta qúru turaly sheshim qabyldau boyynsha ókilettik beru;

Ýkimetke Qazaqstan preziydentine respublikalyq, oblystyq jәne audandyq manyzy bar qalalardy ózge eldi mekender etip qayta qúru turaly úsynu engizu boyynsha jana qúzyret beru;

oblystyq ókildi jәne atqarushy organdargha Qazaqstan Respublikasynyng Ýkimetine oblystyq jәne audandyq manyzy bar qalalardy ózge eldi mekender etip qayta qúru turaly úsynys engizu boyynsha jana ókilettik beru;

audandyq manyzy bar qala әkimine audandyq ókildi jәne atqarushy organdargha audandyq manyzy bar qalany kent, auyl sanatyna jatqyzu turaly úsynys engizu boyynsha ókilettik beru.

Senator Núrlan Beknazarovtyng aituynsha, qoldanystaghy zanda audandyq manyzy bar qalalargha halyq sany 10 myng adamnan kem emes eldi mekender jatady. Alayda býginde 48 audandyq manyzy bar qalanyng 13-i halyqtyng sany boyynsha qala mәrtebesine sәikes kelmeydi, yaghny osy audandyq manyzy bar qalalarda túrghyndar sanynyng azdyghyna baylanysty olardyng mәrtebesin ózgertu qajet.

«Alayda qoldanystaghy zannamada audandyq manyzy bar qalanyng mәrtebesin auyl sanatyna ózgertu jóninde norma qarastyrylmaghan. Sondyqtan osy zang jobasynda audandyq manyzy bar qalalardy ózge eldi mekenderge qayta qúru jónindegi qúzyretti aiqyndaytyn týzetuler engizilip otyr»,- dedi Beknazarov senattyng jalpy otyrysynda.

Týzetu engizuding taghy bir útymdy túsy, qala mәrtebesi auyldyq eldi mekenge ózgergen jaghdayda sonda túratyn azamattar auyl túrghyndary memlekettik әleumettik qoldau sharalaryna qatysa alady.

Mysaly, densaulyq saqtau, bilim beru, sport, mәdeniyet, әleumettik qamsyzdandyru salalarynyng qyzmetkerlerining jalaqysyna jergilikti ókildi organdardyng sheshimderi boyynsha 25 prosentten kem emes ýstemaqy qosylady.

«Oghan qosa, túrghyndar kommunaldyq tólemderge, qyzmettik túrghyn ýige, «Diplommen auylgha» men «Enbek» baghdarlamasy boyynsha kәsiptik bilim alu men auyldyq jerde kәsipkerlikti qoldaugha, damytugha qatysty birqatar jenildikterdi paydalana alady», - dep atap kórsetti senator.

Abai.kz