Särsenbi, 27 Mamır 2020
COVID-19 QAZAQSTANDA. Jwqtırğandar — 9304. Jazılğandar — 4669. Qaytıs bolğandar — 37
Jön-aq 1036 11 pikir 3 Säuir, 2020 sağat 13:19

«Qazaq Eliniñ Batırı» atağın tağayındau qajet

Ekinşi düniejüzilik soğısta janqiyarlıq erlik körsetip, qandı maydanda qan tökken qazaqtıñ talay wl-qızdarı keñestik jüye kezinde eskerusiz qaldı. Jıl sayın Jeñis künin barşa halıq bolıp toylap kelemiz, al ajal oğınıñ astında faşistik Germaniyanıñ ordasında Rayhstagtıñ töbesine jeñis tuın qadağan Raqımjan Qoşqarbaevqa da, basqa da talay örenderimizge kezinde Keñes Odağınıñ Batırı atağı berilmegeni sol kezdegi sayasi ädiletsizdiktiñ bir ğana mısalı.

Sol kezderi Mäskeu bağalamağan batırlarımızdıñ erligin jastarımızğa ülgi etip, esimderin wlıqtau bügingi wrpaqtıñ qasietti borışı emes pe? Qazir geosayasi jağday da, ruhani qwndılıqtarğa közqaras ta özgerip, tarih betterine wlttıq sana twrğısınan qaraytın boldıq. Täuelsiz eldiñ derbes wstanımı, öz bet-bederi boluı zañdılıq. Bwl künderi kelmeske ketken otarşıldıq jüyeniñ ideologiyalıq qazanınan şıqqan Keñes Odağınıñ Batırı degen ataq täuelsizdik jıldarı düniege kelgen wrpaq üşin tüsiniksiz, äri sayasi-ideologiyalıq twrğıdan ekiwştı oyğa jeteleytin bwlıñğır wğım. Maydan dalasında halqımızdıñ wl-qızdarı jaumen Keñes Odağınıñ tuı astında şayqasqanmen olar aldımen tuğan jeri, qazaq halqı, öz oşağı üşin ot keşkeni de aqiqat.   

Endeşe öz halqımızdıñ batır wldarınıñ erligin özge emes öz memleketimiz layıqtı bağalauı kerek. Sondıqtan bügingi täuelsizdik jağdayında mağınası joğalıp, qwnı tömendegen  Keñes Odağınıñ Batırı atağınıñ orınına QAZAQ ELİNİÑ BATIRI tağı tağayındalıp, ol marapat keşegi swrapıl soğısta qazaq eli üşin qwrban bolğan batırlarğa, beybit künderi, el qorğauda eren erlik tanıtqan Otan qorğauşılarına berilse jaqsı bolar edi.

Marat Ermwqanov 

Abai.kz

11 pikir