Seysenbi, 7 Şilde 2020
COVID-19 QAZAQSTANDA. Jwqtırğandar — 41065. Jazılğandar — 13614. Qaytıs bolğandar — 188
Äleumet 1819 2 pikir 23 Qañtar, 2020 sağat 11:10

Wlttıq banktiñ jaña talabı şağın käsipkerlerdiñ müddesine qayşı

«Aq jol»: Wlttıq banktiñ ayırbastau punktterine qoyılatın jaña talaptarı şağın käsipkerlerdiñ müddesin qorğamaydı 

Wlttıq banktiñ ayırbastau punktterine qoyılatın jaña talaptarı şağın käsipkerlerdiñ müddesin emes, ülken bäsekelestik pen bankterdi qorğauğa bağıttalğan. Bwl turalı Mäjilis deputatı Meruert Qazbekova Qarjılıq baqılau agenttigine joldağan deputattıq saualında ayttı. 

Mäselen, aymaqtardağı kezdesuler kezinde «Aq jol» partiyasına şağın qalalar men oblıs ortalıqtarında valyuta ayırbastau salasında jwmıs isteytin käsipkerler jügindi. Olardıñ aytuınşa, 2019 jılğı 4 säuirde Wlttıq Bank qolma-qol şetel valyutasımen ayırbastau operaciyaların wyımdastıru erejelerine tüzetuler qabıldadı. Atap aytqanda, tüzetuler ayırbastau punktteriniñ eñ tömengi jarğılıq kapitalın arttıradı:

- Nwr-Swltan qalası men respublikalıq mañızı bar qalalardağı, bwrınğı erejeler boyınşa - 30 mln. teñge bolıp qaladı. Al, oblıstardıñ äkimşilik ortalıqtarı men oblıstıq mañızı bar qalalardağı ärbir ayırbastau punkti üşin 100 mln. teñge (bwrınğı erejelerde - 20 mln. teñge) boluı kerek. 

Basqa jerlerde ornalasqan är ayırbastau punkti üşin 50 million teñge (bwrınğı erejeler boyınşa - 10 million teñge) boluı kerek. 

Sonımen qatar, körsetilgen soma ayırbastau punktiniñ kassasında boluı kerek.

 «Nelikten jüz million teñge? Bwl ülken soma qaydan payda boldı? Sonımen qatar, bwl soma biznes iesinde emes, tikeley ayırbastau punktinde  boluı kerek pe?» Käsipkerlerdi osınday swraqtar mazalaydı.

 - Wlttıq Bank jarğılıq kapital mölşeriniñ wlğayuı men kassada qarajattıñ boluın biznesti şoğırlandıru jäne kassadağı qolma-qol aqşanıñ az boluına baylanıstı klientterden bas tartuğa jol bermeu dep tüsindiredi. «Mısalı, kenetten almastırğışqa bireu kelip, birden 300 mıñ dollar alğısı keledi. Sonday jağdayda klient ötinişinen bas tartpau üşin kassada osınday soma bolğanı dwrıs» deydi. 

«Aq jol» partiyası mwnday talap şağın jäne orta biznes üşin ülken qarajat, sonımen qatar, bwl qarumen jaraqtalmağan ayırbastau punktterine şabuıldardıñ köbeyuine sebep boladı dep sanaydı. Bir sözben aytqanda, mwnday talapt biznestiñ özine de, onıñ qızmetkerleriniñ ömirine de qauip töndiredi. 

Bwdan basqa, retteuşi erejelerge ayırbastau punktteriniñ jwmıs uaqıtın özgertu jäne klienttiñ jeke derekterin bekitu böliginde tüzetuler qabıldadı.

Aqşa ayırbastau punktteriniñ jwmıs uaqıtın qısqartu narıq üşin qiındıqtar tuğızadı. Öytkeni, köptegen operaciyalar keşke jüzege asırıladı. Köptegen jwmıs isteytin azamattar jwmıstan keyin valyutanı auıstıruğa keledi. Sonday-aq, ädette olar jalaqığa baylanıstı 100-200 dollar köleminde valyuta satıp aladı. 

«Wlttıq Banktiñ klienttiñ jeke derekterin esepke alu jönindegi talabına keletin bolsaq, bwl norma «Jeke derekter jäne olardı qorğau turalı» Qazaqstan Respublikası Zañınıñ, jeke derekterdi jinaudıñ, öñdeudiñ jäne qorğaudıñ erekşelikteri tek zañdarmen jäne Qazaqstan Respublikası Prezidentiniñ aktilerimen rettele aladı degen talaptı bwzadı dep sanaymız» - delingen habarlamada.

Deputattar bwl talaptardıñ şağın käsipkerlerge bağıttalğanı dwrıs emes dep esepteydi. Sebebi, şağın biznestiñ küzet agenttigin jaldap, är kassirge küzetşi qoyuğa qauqarlı emes. 

«Sonımen birge, bwl saladağı şağın biznes tek jwmıspen qamtamasız etip qana qoymaydı. Sonımen qatar sol bankterge qarağanda klientter üşin neğwrlım qolaylı tariftermen jäne ikemdi şarttarmen qızmet körsetedi. Olardıñ jasandı «qısımı» valyutalıq narıqtıñ (mısalı, keşki jäne tüngi) qalıptasuına jäne Özbekstandağı siyaqtı resmi jäne narıqtıñ qosarlı bağamınıñ qalıptasuına äkeledi.

Körşilerdiñ täjiribesi nege bizdiñ şeneunikterge sabaq bolmaydı?» - dedi Qazbekova.

Osığan oray, «Aq jol» frakciyası Agenttikten bwl mäselege tek bankterdiñ ğana emes, sonımen qatar osı saladağı şağın jäne orta biznes ökilderiniñ qatısuımen qayta oraludı swraydı.

Abai.kz

2 pikir