سارسەنبى, 1 ءساۋىر 2020
الەۋمەت 1251 2 پىكىر 23 قاڭتار, 2020 ساعات 11:10

ۇلتتىق بانكتىڭ جاڭا تالابى شاعىن كاسىپكەرلەردىڭ مۇددەسىنە قايشى

«اق جول»: ۇلتتىق بانكتىڭ ايىرباستاۋ پۋنكتتەرىنە قويىلاتىن جاڭا تالاپتارى شاعىن كاسىپكەرلەردىڭ مۇددەسىن قورعامايدى 

ۇلتتىق بانكتىڭ ايىرباستاۋ پۋنكتتەرىنە قويىلاتىن جاڭا تالاپتارى شاعىن كاسىپكەرلەردىڭ مۇددەسىن ەمەس، ۇلكەن باسەكەلەستىك پەن بانكتەردى قورعاۋعا باعىتتالعان. بۇل تۋرالى ءماجىلىس دەپۋتاتى مەرۋەرت قازبەكوۆا قارجىلىق باقىلاۋ اگەنتتىگىنە جولداعان دەپۋتاتتىق ساۋالىندا ايتتى. 

ماسەلەن، ايماقتارداعى كەزدەسۋلەر كەزىندە «اق جول» پارتياسىنا شاعىن قالالار مەن وبلىس ورتالىقتارىندا ۆاليۋتا ايىرباستاۋ سالاسىندا جۇمىس ىستەيتىن كاسىپكەرلەر جۇگىندى. ولاردىڭ ايتۋىنشا، 2019 جىلعى 4 ساۋىردە ۇلتتىق بانك قولما-قول شەتەل ۆاليۋتاسىمەن ايىرباستاۋ وپەراتسيالارىن ۇيىمداستىرۋ ەرەجەلەرىنە تۇزەتۋلەر قابىلدادى. اتاپ ايتقاندا، تۇزەتۋلەر ايىرباستاۋ پۋنكتتەرىنىڭ ەڭ تومەنگى جارعىلىق كاپيتالىن ارتتىرادى:

- نۇر-سۇلتان قالاسى مەن رەسپۋبليكالىق ماڭىزى بار قالالارداعى، بۇرىنعى ەرەجەلەر بويىنشا - 30 ملن. تەڭگە بولىپ قالادى. ال، وبلىستاردىڭ اكىمشىلىك ورتالىقتارى مەن وبلىستىق ماڭىزى بار قالالارداعى ءاربىر ايىرباستاۋ پۋنكتى ءۇشىن 100 ملن. تەڭگە (بۇرىنعى ەرەجەلەردە - 20 ملن. تەڭگە) بولۋى كەرەك. 

باسقا جەرلەردە ورنالاسقان ءار ايىرباستاۋ پۋنكتى ءۇشىن 50 ميلليون تەڭگە (بۇرىنعى ەرەجەلەر بويىنشا - 10 ميلليون تەڭگە) بولۋى كەرەك. 

سونىمەن قاتار، كورسەتىلگەن سوما ايىرباستاۋ پۋنكتىنىڭ كاسساسىندا بولۋى كەرەك.

 «نەلىكتەن ءجۇز ميلليون تەڭگە؟ بۇل ۇلكەن سوما قايدان پايدا بولدى؟ سونىمەن قاتار، بۇل سوما بيزنەس يەسىندە ەمەس، تىكەلەي ايىرباستاۋ پۋنكتىندە  بولۋى كەرەك پە؟» كاسىپكەرلەردى وسىنداي سۇراقتار مازالايدى.

 - ۇلتتىق بانك جارعىلىق كاپيتال مولشەرىنىڭ ۇلعايۋى مەن كاسسادا قاراجاتتىڭ بولۋىن بيزنەستى شوعىرلاندىرۋ جانە كاسساداعى قولما-قول اقشانىڭ از بولۋىنا بايلانىستى كليەنتتەردەن باس تارتۋعا جول بەرمەۋ دەپ تۇسىندىرەدى. «مىسالى، كەنەتتەن الماستىرعىشقا بىرەۋ كەلىپ، بىردەن 300 مىڭ دوللار العىسى كەلەدى. سونداي جاعدايدا كليەنت وتىنىشىنەن باس تارتپاۋ ءۇشىن كاسسادا وسىنداي سوما بولعانى دۇرىس» دەيدى. 

«اق جول» پارتياسى مۇنداي تالاپ شاعىن جانە ورتا بيزنەس ءۇشىن ۇلكەن قاراجات، سونىمەن قاتار، بۇل قارۋمەن جاراقتالماعان ايىرباستاۋ پۋنكتتەرىنە شابۋىلداردىڭ كوبەيۋىنە سەبەپ بولادى دەپ سانايدى. ءبىر سوزبەن ايتقاندا، مۇنداي تالاپت بيزنەستىڭ وزىنە دە، ونىڭ قىزمەتكەرلەرىنىڭ ومىرىنە دە قاۋىپ توندىرەدى. 

بۇدان باسقا، رەتتەۋشى ەرەجەلەرگە ايىرباستاۋ پۋنكتتەرىنىڭ جۇمىس ۋاقىتىن وزگەرتۋ جانە كليەنتتىڭ جەكە دەرەكتەرىن بەكىتۋ بولىگىندە تۇزەتۋلەر قابىلدادى.

اقشا ايىرباستاۋ پۋنكتتەرىنىڭ جۇمىس ۋاقىتىن قىسقارتۋ نارىق ءۇشىن قيىندىقتار تۋعىزادى. ويتكەنى، كوپتەگەن وپەراتسيالار كەشكە جۇزەگە اسىرىلادى. كوپتەگەن جۇمىس ىستەيتىن ازاماتتار جۇمىستان كەيىن ۆاليۋتانى اۋىستىرۋعا كەلەدى. سونداي-اق، ادەتتە ولار جالاقىعا بايلانىستى 100-200 دوللار كولەمىندە ۆاليۋتا ساتىپ الادى. 

«ۇلتتىق بانكتىڭ كليەنتتىڭ جەكە دەرەكتەرىن ەسەپكە الۋ جونىندەگى تالابىنا كەلەتىن بولساق، بۇل نورما «جەكە دەرەكتەر جانە ولاردى قورعاۋ تۋرالى» قازاقستان رەسپۋبليكاسى زاڭىنىڭ، جەكە دەرەكتەردى جيناۋدىڭ، وڭدەۋدىڭ جانە قورعاۋدىڭ ەرەكشەلىكتەرى تەك زاڭدارمەن جانە قازاقستان رەسپۋبليكاسى پرەزيدەنتىنىڭ اكتىلەرىمەن رەتتەلە الادى دەگەن تالاپتى بۇزادى دەپ سانايمىز» - دەلىنگەن حابارلامادا.

دەپۋتاتتار بۇل تالاپتاردىڭ شاعىن كاسىپكەرلەرگە باعىتتالعانى دۇرىس ەمەس دەپ ەسەپتەيدى. سەبەبى، شاعىن بيزنەستىڭ كۇزەت اگەنتتىگىن جالداپ، ءار كاسسيرگە كۇزەتشى قويۋعا قاۋقارلى ەمەس. 

«سونىمەن بىرگە، بۇل سالاداعى شاعىن بيزنەس تەك جۇمىسپەن قامتاماسىز ەتىپ قانا قويمايدى. سونىمەن قاتار سول بانكتەرگە قاراعاندا كليەنتتەر ءۇشىن نەعۇرلىم قولايلى تاريفتەرمەن جانە يكەمدى شارتتارمەن قىزمەت كورسەتەدى. ولاردىڭ جاساندى «قىسىمى» ۆاليۋتالىق نارىقتىڭ (مىسالى، كەشكى جانە تۇنگى) قالىپتاسۋىنا جانە وزبەكستانداعى سياقتى رەسمي جانە نارىقتىڭ قوسارلى باعامىنىڭ قالىپتاسۋىنا اكەلەدى.

كورشىلەردىڭ تاجىريبەسى نەگە ءبىزدىڭ شەنەۋنىكتەرگە ساباق بولمايدى؟» - دەدى قازبەكوۆا.

وسىعان وراي، «اق جول» فراكتسياسى اگەنتتىكتەن بۇل ماسەلەگە تەك بانكتەردىڭ عانا ەمەس، سونىمەن قاتار وسى سالاداعى شاعىن جانە ورتا بيزنەس وكىلدەرىنىڭ قاتىسۋىمەن قايتا ورالۋدى سۇرايدى.

Abai.kz

2 پىكىر