Búl turaly Azattyqqa 21 qazanda olardyng qorghaushysy Lәzzat Ahatova habarlady. Qorghaushynyng sózinshe, eki jigitke búltartpau sharasyn belgileytin sot otyrysy dýisenbi, 21 qazanda ótui tiyis bolghan. Alayda búl sot otyrysy ayaq astynan ózgerip 20 qazanda memlekettik qorghaushynyng qatysuymen ghana ótip ketken.
- Sottyng jeksenbi kýni týste ótip ketkenin estip, tanghaldyq. Sot tóraghasy Niyaz Hasenovpen kezdesip, óz uәjimizdi jetkizdik. Sotty ótkizip, qauly qabyldaghan da sol kisi eken. Ol kisi búltartpau sharasy adam qamaugha alynghan saghattan bastap 48 saghat ishinde sheshilui keregin, 18-i kýni qamaugha alynghan Álimúly men Músahanúlynyng uaqyty keshe keshki 18.00-de ayaqtalyp jatqandyqtan, memlekettik advokattyng qatysuymen sotty ótkizgenin aitty. Bizge, yaghny advokattaryna "eskerttik" dedi. Biraq maghan advokat retinde eshkim eskertken joq. Sondyqtan oblystyq sotqa appelyasiyalyq shaghym týsirdim, - dedi advokat Lәzzat Ahatova Azattyqqa.
Qorghaushynyng sózinshe, shekarany kesip ótu asa auyr qylmys sanatyna jatpaytyndyqtan "eki aigha qamau - auyr jaza".
- Sudiyanyng tergeu ayaqtalghangha deyin qolhatpen bosatuyna, ýiqamaqta boluy turaly qauly shygharugha da qúqyghy bar edi, - deydi advokat. Lәzzat Ahatova erteng tanreteng qorghauyndaghy azamatpen kezdesetinin aitqan.
Azattyq tilshisi Óskemendegi tergeu izolyatoryna habarlasqanymen, ondaghy kezekti qyzmetker "mekemege jetkizilgen adamdar turaly qandayda bir aqparatty tek tuystaryna jәne tek mekeme rúqsatymen ghana bere alatynyn" jetkizdi.
30 jastaghy Qaster Músahanúly men 25 jastaghy Múrager Álimúly Dórbiljing aimaghynan jolgha shyghyp, 1 qazanda Qytay shekarasynan ótkenderin aitqan. Ózderining aituyna qaraghanda, qazaq-qytay shekarasy aralyghyndaghy beytarap aumaqta bes kýndey jýrip, qazannyng 6-sy kýni Shyghys Qazaqsan oblysynyng Zaysan, Shilikti, Manyraq auyldarynyng túsynan Qazaqstangha ótken. Keyin jolay taksy jaldap, 10 qazanda qazanda Almatygha "kelgen". 14 qazanda Almatydaghy adam qúqyghyn qorghau burosynda ótken baspasóz mәslihatynda Qaster Músahanúly Shynjandaghy lageride qamauda otyryp shyqqanyn, al Múrager Álimúly sol jaqta qysym kórgenin aitqan. Baspasóz mәslihatynan keyin olardy shekara qyzmetining ókilderi alyp ketip, 15 qazanda tergeu amaldary ýshin Shyghys Qazaqstangha jetkizilgen.
ÚQK Shekara qyzmeti Qaster Músahanúly men Múrager Álimúlynyng ýstinen Qylmystyq kodeksting 392-baby 1 bóligi, yaghny "Qazaqstan shekarasyn zansyz kesip ótu" baby boyynsha tergey jýrip jatqanyn habarlaghan. ÚQK-ning mәlimetinshe, Qaster Músahanúly búghan deyin 2006 jyldyng 21 mausymynda shekaranyng Qazaqstan jaghyna ótip ketip keyin Qytaygha qaytarylghan. Shekara qyzmeti sol kezde onyng jylqy úrlap, qylmystyq jauapkershilikten qashyp shekara búzghanyn aitady.
Abai.kz
