Särsenbi, 27 Mamır 2020
COVID-19 QAZAQSTANDA. Jwqtırğandar — 9304. Jazılğandar — 4613. Qaytıs bolğandar — 37
964 1 pikir 25 Qırküyek, 2019 sağat 12:34

"SINOPEK Qazaqstan" jwmısşıları jalaqı ösirudi talap etti

«SINOPEK Qazaqstan halıqaralıq mwnay qızmeti kompaniyasınıñ» Aqtau filialınıñ ondağan jwmısşısı jalaqı ösirudi talap etti. Mañğıstau oblısındağı Qaraqwdıq mwnay jäne Soltüstik Bwzaşı ken ornındağı wnğımalardı jöndeytin jwmısşılar 23 qırküyek keşke jwmıstı toqtatqan.

Bwl turalı Azattıqqa 24 qırküyekke kompaniya bwrğılauşısınıñ kömekşisi Jänibek Eldeşov ayttı. Onıñ sözinşe, jwmısşılar jalaqını 100 payızğa ösirudi talap etip, 24 qırküyekte kompaniyanıñ Aqtaudağı keñsesine barğan.

Eldeşov jwmısşılar bwğan deyin talaptarın hatqa tüsirip, kompaniya basşılığına, «Nwr Otan» partiyasınıñ oblıstıq filialına jäne mwnay kompaniyalarınıñ käsipodağına tapsırğanın aytadı. Onıñ aytuınşa, hatqa Qaraqwdıq mwnay jäne Soltüstik Bwzaşı ken ornınıñ 150-den astam jwmısşısı qol qoyğan.

Eldeşovtiñ sözinşe, jwmısşılardıñ talap aytqan narazılığı 23 qırküyek jergilikti uaqıt boyınşa 17.00-de bastalğan. Ol «osı uaqıttan bastap jwmısşılar ken ornına barğanımen eşqanday jwmıs istemey otırğanın» aytadı.

«SINOPEK Qazaqstan halıqaralıq mwnay qızmeti kompaniyasınan» jäne Mañğıstau oblısı äkimdiginen osı jaytqa baylanıstı pikir alu mümkin bolmadı. Tek Mağıstau oblısı eñbek departamenti bastığınıñ orınbasarı Şıñğıs Düysenov «qazir jwmısşılar men kompaniya arasında kelissöz jürip jatqanın» ayttı. Ol jwmısşılardan departamentke bwğan deyin jalaqı mäselesine qatıstı şağım tüskenin rastadı.

Teñge qwnsızdanıp, inflyaciya küşeygen twsta Qazaqstannıñ batısında mwnayşılardıñ jalaqı ösirudi talap etken narazılıq şaraları köbeydi. Bwğan deyin bolğan jwmısşılar narazılığında kompaniyalar jwmısşılardıñ talabın orındağan.

Abai.kz

1 pikir