Keshe, 24 sәuirde Almaty qalasyndaghy Qazaqstan Jazushylar Odaghynyng konsert zalynda “Aytys aqyndary men jyrshy-termeshilerding halyqaralyq Odaghynyn” II qúryltayy ótti. 

Serik Qúsanbaev, Amanjol Áltaev, Serik Qaliyev, Rinat Zayytov, Erkebúlan Qaynazarov qatarly tanymal aqyndardan prezidium ókilderi saylanghan búl qúryltaygha Qazaqstannyng barlyq oblysynan tól ónerding ókilderi qatysuda.

Qúryltaydy ashyp, sóilegen Odaqtyng basqarma tóraghasy Jýrsin Erman qazirgi biylikke degen narazylyghyn da jasyryp qala almady. Aytysqa ýnemi biylik tarapynan qysym jasalyp, telearnalardyng aitysty qiyp, ýzip-júlyp beretinin  de aitty. Aytystyng ótken ketkenine toqtalghan Jýrsin Moldashúly eldegi sayasy jaghdaylardan aqyndardyng da tys qalmauyn súrady.

“Aldymyzda preziydent saylauy, parlament saylauy kele jatyr. Parlament saylauyna nege bizdin  aqyndar da qatyspasqa? Jalghyz Aybek Qaliyev qana Arqalyqta qalalyq mәslihattyng deputaty bolyp jýr. Parlamentting tórinde Amanjol Áltaev, Rinat Zayytov, Bauyrjan Haliolla otyrsa Parlamentting qabyrghasy qisayyp qala ma eken?” degen Jýrsin Erman aqyndar elding sózin qay ortada da aitatynyn tilge tiyek etti.

Odan keyin sóz alghan Qúdayberli Myrzabekov, Baqyt Jaghyparúly, Erbol Qambatyrov, Serik Qaliyev, Bauyrjan Haliolla, Múhtar Niyazovtar aitystyng kem-ketigi men bolashaqtaghy atqarylmaq isterge óz kózqarastaryn bildirdi. Jahandanu dәuirinde osy bir bekzat ónerdi qaytsek ary qaray damytsaq, qazirgi dengeyinen de biyikke kótersek degen aqyndar oblystarmen tyghyz júmys jasau kerektigin aitty.

Prezidium tizginin ústap otyrghan Amanjol Áltaev Jýrsin Ermannyng aitysqa sinirgen enbegine toqtala kelip, jas aqyndargha izdenu kerektigin aitty.

Sóz ayaghynda “Aytys aqyndary men jyrshy-termeshilerding halyqaralyq Odaghynyn” Basqarma Tóraghasy Jýrsin Erman “elde sayasy nauqan bastalghanyn, sol saylaugha bizding Odaqtyng da at salysyp, qatyssaq degen oiy bolghanyn” jasyrmady. Búl oiy biylikting Odaqqa degen nazaryn audarsa dedi.

Qúryltay sonynda Odaqtyng basqarma tóraghasy aitysker aqyndar men jyrshy-termeshilerding aldaghy saylauda Elbasy Nazarbaev úsynghan kandidat Q. Toqaevty qoldaytynyn aitty.

Qúryltay sәtti ótip, aitystyng aldaghy damu joly boljanyp, últtyq ónerdi  búdan da biyik órege kóteruge josparlar jasaldy.

Derekkóz: Adyrna.kz 

Abai.kz