Särsenbi, 23 Qırküyek 2020
COVID-19 QAZAQSTANDA. Jwqtırğandar — 107450. Jazılğandar — 102219. Qaytıs bolğandar — 1699
2652 8 pikir 26 Jeltoqsan, 2018 sağat 21:00

Memleket basşısı birqatar kadrlıq tağayındaular jasadı

Bügin QR Prezidenti N. Nazarbaev Sırtqı ister, Qorğanıs jäne aeroğarış önerkäsibi ministrlikteriniñ basşıların tağayındau, sonday-aq Industriya jäne infraqwrılımdıq damu ministrligin qayta wyımdastıru turalı Jarlıqtarğa qol qoydı.

«Asqar Quanışwlı Jwmağaliev QR Prem'er-Ministriniñ orınbasarı – QR qorğanıs jäne aeroğarış önerkäsibi ministri bolıp tağayındalsın, ol QR Prem'er-Ministriniñ orınbasarı qızmetinen bosatılsın», — delingen Memleket basşısınıñ Jarlığınıñ mätininde.

Prezident Jarlığımen bwğan deyin QR qorğanıs jäne aeroğarış önerkäsibi ministri qızmetin atqarğan B. Atamqwlov QR sırtqı ister ministri bolıp tağayındaldı.

Q. Äbdirahmanov basqa jwmısqa auısuına baylanıstı QR sırtqı ister ministri qızmetinen bosatıldı.

Bwdan özge, QR Investiciyalar jäne damu ministrliginiñ QR Industriya jäne infraqwrılımdıq damu ministrligi bolıp qayta wyımdastırıluına baylanıstı Prezident Jarlığımen J. Qasımbek QR industriya jäne infraqwrılımdıq damu ministri bolıp tağayındalıp, QR investiciyalar jäne damu ministri qızmetinen bosatıldı.

Abai.kz

8 pikir