سەنبى, 19 قىركۇيەك 2020
COVID-19 قازاقستاندا. جۇقتىرعاندار — 107199. جازىلعاندار — 101822. قايتىس بولعاندار — 1671
2649 8 پىكىر 26 جەلتوقسان, 2018 ساعات 21:00

مەملەكەت باسشىسى بىرقاتار كادرلىق تاعايىنداۋلار جاسادى

بۇگىن قر پرەزيدەنتى ن. نازارباەۆ سىرتقى ىستەر، قورعانىس جانە اەروعارىش ونەركاسىبى مينيسترلىكتەرىنىڭ باسشىلارىن تاعايىنداۋ، سونداي-اق يندۋستريا جانە ينفراقۇرىلىمدىق دامۋ مينيسترلىگىن قايتا ۇيىمداستىرۋ تۋرالى جارلىقتارعا قول قويدى.

«اسقار قۋانىشۇلى جۇماعاليەۆ قر پرەمەر-ءمينيسترىنىڭ ورىنباسارى – قر قورعانىس جانە اەروعارىش ونەركاسىبى ءمينيسترى بولىپ تاعايىندالسىن، ول قر پرەمەر-ءمينيسترىنىڭ ورىنباسارى قىزمەتىنەن بوساتىلسىن»، — دەلىنگەن مەملەكەت باسشىسىنىڭ جارلىعىنىڭ ماتىنىندە.

پرەزيدەنت جارلىعىمەن بۇعان دەيىن قر قورعانىس جانە اەروعارىش ونەركاسىبى ءمينيسترى قىزمەتىن اتقارعان ب. اتامقۇلوۆ قر سىرتقى ىستەر ءمينيسترى بولىپ تاعايىندالدى.

ق. ءابدىراحمانوۆ باسقا جۇمىسقا اۋىسۋىنا بايلانىستى قر سىرتقى ىستەر ءمينيسترى قىزمەتىنەن بوساتىلدى.

بۇدان وزگە، قر ينۆەستيتسيالار جانە دامۋ مينيسترلىگىنىڭ قر يندۋستريا جانە ينفراقۇرىلىمدىق دامۋ مينيسترلىگى بولىپ قايتا ۇيىمداستىرىلۋىنا بايلانىستى پرەزيدەنت جارلىعىمەن ج. قاسىمبەك قر يندۋستريا جانە ينفراقۇرىلىمدىق دامۋ ءمينيسترى بولىپ تاعايىندالىپ، قر ينۆەستيتسيالار جانە دامۋ ءمينيسترى قىزمەتىنەن بوساتىلدى.

Abai.kz

8 پىكىر