Senbi, 26 Qırküyek 2020
COVID-19 QAZAQSTANDA. Jwqtırğandar — 107659. Jazılğandar — 102360. Qaytıs bolğandar — 1699
Sañlaq 1529 0 pikir 31 Qazan, 2018 sağat 10:57

Serik Qonaqbaev AIBA prezidenttigine saylauğa tüsetin boldı

Lozanna – Halıqaralıq boks qauımdastığınıñ (AIBA) vice-prezidenti Serik Qonaqbaevtıñ sporttıq arbitrajdı sotqa (CAS) jibergen şağımı qanağattandırılıp, ol resmi türde prezidenttikke ümitker atandı.

Bwl turalı QR Wlttıq Olimpiadalıq komitettiñ baspasöz qızmeti habarladı.

«CAS pen bwl iske qatısuşılarğa meniñ şağımım boyınşa ädil şeşim şığarğanı üşin alğıs aytamın. Biz keltirgen dälelderdi CAS-tiñ oñ qabıldağanına rizamın. Men üşin AIBA prezidenttigine ümitker atanu ülken qwrmet. Endi basşılıqtı mindetti qolğa alıp, bizdiñ wyımımız ben sportımızdı wlttıq federaciyalarmen birlese otırıp qayta jandandıratın mümkindigimiz bar», - dedi Qonaqbaev.

«Mağan prezidenttikke ümitker atanuğa mümkindik berdi. Äri qaray Prezidiumdı wtıp alu üşin bar küşimdi salamın. Mwnı özim üşin emes, bizdiñ boksşılardıñ qwqığın, olardıñ Olimpiadadağı armanı men ümitin qorğau üşin istegim keledi. Bwl mindetke ülken jauapkerşilikpen qaray otırıp, 3 qaraşa küni Mäskeude ötetin saylaudı asığa kütemin. AIBA-nıñ jarqın bolaşağı üşin qauımdastıqtıñ barlıq müşelerinen meniñ kandidaturamdı qoldaudı ötinemin», - deydi ol.

Abai.kz

0 pikir